"Aan die begin van die 2012 akademiese jaar, sal elke leerkrag en elke skool in die Wes-Kaap bemagtig wees om die toepaslike en beskikbare tegnologie te gebruik om die leerplan te lewer aan elke enkele leerder in die provinsie. "

Khanya begin by die mees benadeelde skole en werk om die digitale skeiding uit te wis en rasse en geslagsgelykheid te bereik.

• die gebruik van tegnologie om onderwysers te help
• om leerders die geleentheid te gee om baat te vind by 'n verskeidenheid leerstyle, met die gebruik van tegnologie
• om tegnologie te gebruik om gestremde leerders te help
• om die aantal leerders wat Wiskunde en Wetenskap op hoër graad neem en dit suksesvol onder die knie kry te vermeerder
• om die leerders voor te berei op die Inligtingstydperk
• die vernouing van die digitale skeiding
• om al die onderwysers en leerders in die provinsie 'n e-posadres te gee.

• Wat is die Khanyaprojek?
• Prestasies
• Vir Meer Inligting

Die Khanyaprojek is 'n inisiatief van die Wes-Kaapse Onderwysdepartement, wat in April 2001 afgeskop het. Die projek kyk na maniere om inligting, kommunikasie en oudiovisuele tegnologie te gebruik om onderwys en opleiding te verbeter, of leerplanlewering in skole.

Die doel is dat elke onderwyser in die Wes-Kaap uiteindelik tegnologie, soos rekenaars of televisie, of beide, in die klaskamer sal gebruik. Dit kan help om die tekort aan opgeleide onderwyspersoneel by baie skole te verlig. Die projek verwag ook dat leerders in staat sal wees om rekenaars te kan gebruik om te leer.

Hardeware in die vorm van rekenaars en sagteware soos rekenaarprogramme word aan skole verskaf. Die toepassing hang af van die spesifieke behoeftes van die skool.

Hoewel alle skole uiteindelik bereik sal word, is die projek aanvanklik ingestel waar die behoefte die grootste is en waar resultate mees waarskynlik bereik sal word.

Die projek is dus toegespits op goed-bestuurde skole in arm gebiede, met goeie akademiese uitslae, waar nuwe tegnologie die grootste verskil sal maak aan die lewens van onderwysers en leerders. Die skole word genooi om by die projek aan te sluit wanneer hulle personeel gereed is om die tegnologië toe te pas en dit in hulle onderwyspraktyke te integreer.

Die projek het 'n oorsig gedoen om uit te vind wat die tegnologiebehoeftes is van elke skool. Rekenaarnetwerke word ingestel met verbinding met die Internet en oudiovisuele geriewe in indiwiduele skole wat aan hulle spesifieke onderwysbehoeftes voldoen.

Die Khanyaprojek word plaaslik en internasionaal hoog aangeskryf. Die nuutste prestasie is behaal in September 2004, toe dit die Standard Banksentrum vir Openbare Sektor Innoveringstoekenning in die kategorie Innoverende Diensleweringsinstellings gewen het.

Khanya Prestasies teen Maart 2006:

• 490 skole is gehelp om tegnologie doeltreffend te gebruik.
• Nog 134 skole is in verskillende stadiums van voorbereiding vir die volgende vlaag toepassings.
• Altesaam 18,306 rekenaars word in Khanyaskole gebruik (hiervan is 10,561 gekoop deur Khanya of hulle skenkervennote, en die balans van 7,745 is deur die skole self in die hande gekry).
• 13,034 Onderwysers word bemagtig om tegnologie optimaal te gebruik vir leerplanlewering.
• 432,460 leerders pluk reeds die vrugte van die projek.

Khanya het 'n uitvoerige webwerf wat besonderhede bevat van hulle bedrywighede in spesifieke skole en streke, sowel as antwoorde op vrae wat dikwels gevra word oor die projek.

Of jy kan in verbinding tree met:

Aletta Crofton
Khanya Kantoorbestuurder
18de Verdieping, Sanlam Goue Akkergebou, Kaapstad
Khanya - WKOD, Privaatsak X9114, Kaapstad, 8000
Tel: 021 467 2223
Faks: 021 425 7458
acrofton@pgwc.gov.za