Daar is heelwat voordele verbonde aan die skepping van 'n register van hierdie items:

• Elke versameling het 'n katalogus, wat sorg dat die inligting nie verlore gaan nie.
• Voorsiening word gemaak vir nalating van die versameling aan familie, vriende of 'n instelling.
• Kenners wat hierdie versamelings bekragtig, kan die eienaar van raad dien en bystaan.
• Die versamelings word wettig.
• Belangrike inligting in hierdie versamelings word deel van die gedeelde nasionale erfenis.

Die registrasieproses raak nie die eienaarskap van die geregistreerde versamelings nie - die versameling bly die eiendom van die eienaar. Hierdie registrering van private versamelings sorg dat inligting daaroor behoue bly vir toekomstige geslagte.Versamelings wat by die SAEHA geregistreer moet word, sluit die volgende in:

• Alle versamelings van argeologiese artefakte, asook artefakte ouer as 100 jaar, rotstekeninge of rotsgraverings, artefakte wat opgegrawe of versamel is uit persele met 'n militêre geskiedenis ouer as 75 jaar, en artefakte van skepe en ander wrakke ouer as 60 jaar.
• Alle versamelings van fossiele en ander paleontologiese materiaal (spoorfossiele soos voetspore uit die oertyd ingesluit).
• Alle versamelings meteoriete.