• Die Suid-Afrikaanse Menseregtekommissie
• Die Onafhanklike Klagtedirektoraat
• Die Openbare Beskermer
• Die Kommissie vir Versoening, Bemiddeling en Arbitrasie
• Die Kommissie vir Geslagsgelykheid

Die SAMRK sal jou help as enige van jou regte in die Handves van Menseregte geskend of aangetas is. Jy kan die Handves van Menseregte nagaan om seker te maak of jou regte geskend of aangetas is.

Om 'n klag in te dien moet jy die klagtevorminvul.

Die SAMRK sal jou gewoonlik nie kan help nie, as:

• Jou saak nie te doen het met 'n skending van enige van die regte in die Handves van Menseregte nie.
• Jou probleem voor 27 April 1994 opgeduik het.
• Jy 'n strafregtelike saak het en jy 'n prokureur nodig het nie (as dit die geval is, skakel asseblief die Regshulpraad by 012 401 9200, of besoek hulle kantore by die naaste Landdroshof).
• Jy aan 'n misdaad skuldig bevind is en wil appelleer.

As jy nie seker is of die SAMRK jou saak sal hanteer nie, skakel asseblief die Kommissie.

Tree vir meer inligting met die Wes-Kaapse kantoor in verbinding:

Ashraf Mahomed
Adderleystraat 132, Kaapstad, 8000
Tel: 021 426 2277
Faks: 021 426 2875
amahomed@sahrc.org.za

As jou regte deur die polisie geskend is, moet jy die Onafhanklike Klagtedirektoraat nader.

Om 'n klag in te dien, moet jy die klagtevorm volledig en korrek invul. As jy oor enige aspek van die klagte-aanmeldingsvorm onseker is, moet jy asseblief die riglynevolg.

Jy kan 'n e-pos oor jou klag stuur aan nmanne@icd.pwv.gov.za of dit faks aan 021 426 0705.

Posadres: Privaatsak X 9173, Kaapstad, 8000
Straatadres: 6de Verdieping, Colonial Mutual-gebou, Adderleystraat 106, Kaapstad
Tel: 021 426 0700
Faks: 021 426 0705
nmanne@icd.pwv.gov.za

Of jy kan jou klag aanlynindien.

As jy oor 'n staatsamptenaar wil kla, moet jy met die Openbare Beskermer in verbinding tree.

Enigeen kan 'n klagte indien by die Openbare Beskermer, wat dan die saak sal ondersoek. As die Openbare Beskermer se personeel besluit dat die klagte steek hou, sal hulle alles in hulle vermoë doen om 'n oplossing te vind, wat veranderings aan die stelsel insluit.

As jy nie die probleem kon oplos deur met die amptenaar of die toesighouer te praat nie, moet jy vir die Openbare Beskermer skryf. Die brief moet die volgende inligting bevat:

• Die aard van jou klagte.
• Die agtergrond en geskiedenis van die klagte.
• Die rede waarom jy meen dat die klagte deur die Openbare Beskermer ondersoek moet word.
• Die stappe wat jy gedoen het om self die probleem te probeer oplos.
• Spesifieke besonderhede - name van die amptenaar, datums, ensovoorts.
• Afskrifte van enige korrespondensie tussen jou en die amptenaar.
• Jou kontakbesonderhede.

In sommige gevalle sal die Openbare Beskermer dalk 'n beëdigde verklaring vereis voordat ondersoek ingestel word.

As jy hulp met die klagte nodig het, kan jy die Openbare Beskermer se kantoor skakel. Daar is opgeleide personeel wat afgesien van die omvang daarvan, na 'n klagte sal luister en ondersoek sal instel.

Posadres: Wes-Kaapse Streekkantoor, Posbus 712, Kaapstad, 8000
Straatadres: 2de Verdieping, ABC-gebou, Adderleystraat 130, Kaapstad, 8000
Tel: 021 423 8644
Faks: 012 423 8708

As jou werkgewer jou regte geskend het, moet jy met die Kommissie vir Versoening, Bemiddeling en Arbitrasie (KVBA) in verbinding tree (nadat jy die probleem by die werk probeer oplos het).

Die KVBA sal:

• In werkplekgeskille bemiddel.
• Beslis oor geskille wat nie tydens bemiddeling opgelos is nie.

Nader vir meer inligting:

Posadres: Privaatsak X9167, Kaapstad, 8000
Straatadres: Darlingstraat 78, Kaapstad
Tel: 021 469 0111
Faks: 021 465 7193/7

As daar teen jou gediskrimineer is (jy sleg behandel is) op grond van jou geslag, moet jy die Kommissie vir Geslagsgelykheid nader.

Wanneer jy 'n klag aanhangig maak, moet jy soveel inligting moontlik probeer verskaf. Klagte is streng vertroulik.

Nog inligting is beskikbaar by:

Straatadres: 7de Verdieping, ABSA-gebou, Adderleystraat 132,Kaapstad, 8001
Tel: 021 426 4080/3
Faks: 021 424 0549