BESKRYWING: |
Howe vir Klein Eise hanteer siviele aangeleenthede waar die eis minder as R7000 is. Die howe is bedoel om die hofproses vinniger en goedkoper te maak. 'n Bedrag van ongeveer R15 is betaalbaar om van die Hof gebruik te maak, en daar is geen prokureurs betrokke nie, met die gevolg dat daar geen prokureursgelde is nie. As u wil, kan u regsadvies kry voordat u die hof nader. Regsassistente en klerke van die Howe vir Klein Eise sal u kosteloos bystaan. Individue kan eise in die hof instel, maar maatskappye kan nie. Enige van die amptelike tale kan in die hof gebruik word. Die saak word nie deur 'n regter of landdros verhoor nie, maar deur 'n kommissaris, wat elke kant van die saak aanhoor en vrae stel. Die Hof vir Klein Eise hanteer nie egskeidingsake nie. Daar is geen appel teen die beslissing van die Hof vir Klein Eise nie, maar as u dink die kommissaris was bevooroordeeld of onbillik, kan u versoek dat die saak hersien word. |
VOORSKRIFTE: |
Om 'n eis in die Hof vir Klein Eise in te stel, moet u:
Die verhoor is informeel en eenvoudig, en daar is geen kruisondervraging nie. Die kommissaris sal al die vrae stel en wanneer hy/sy al die partye aangehoor het, 'n besluit neem. As u meer besonderhede nodig het - die Departement van Justisie het 'n brosjure oor hoe om verrigtinge in die Hof vir Klein Eise aanhangig te maak. |
VERSKAF BY: |
Hierdie fasiliteitskategorië: |
|
STAATSLIGGAAM:
|
Departement van Justisie en Grondwetlike Ontwikkeling (Die Regering van Suid-Afrika) |
|
|
Cape Gateway is 'n diens wat die regering hoofsaaklik aan die burgers van die Wes-Kaap bied deur die voorsiening van inligting oor plaaslike, provinsiale en nasionale regering |  |