Om aansoek te doen om 'n spesiale nommerplaat moet jy die aansoekvorm SLN1 invul en terugstuur, saam met 'n afskrif van jou RSA ID. Sakeaansoekers moet 'n Verkeersregisternommer-sertifikaat verskaf (uitgereik deur 'n motorvoertuigregistrasiegesag) of 'n Sakeregistrasiesertifikaat (uitgereik deur die registrateur van maatskappye) en 'n afskrif van die volmag of verteenwoordiger se RSA ID. Aansoekvorms kan gepos of gefaks word aan die Lisensienommerafdeling by:

Posbus 2603, Kaapstad, 8000
Kamer 2-20, Dorpstraat 9, Kaapstad, 8000
Faks: 021 483 2027

Jy kan ook direk na die kantore gaan tussen 8.00 - 12.15 vm.

Gefaksde aansoeke word binne 24 uur op reageer. As dit goedgekeur word, sal jy ontvang:

• 'n goedkeuringsbrief
• 'n brief wat betaling eis.

Nadat bewys van betaling ingedien en verwerk is, sal aan jou uitgereik word:

• 'n lisensiebrief
• 'n SNL2 vorm
• 'n PLN2-sertifikaat (vir persoonlike lisensienommer)
• 'n bestellingsbrief vir die nommerplaatvervaardiger om hulle in staat te stel om die nommerplate te maak.

Jy moet die voertuig laat registreer by 'n motorvoertuigregistrasiegesag- sentrum. Die lisensiebrief en PLN2-sertifikaat stel jou in staat om jou voertuig te lisensieer met die spesiale voertuignommerplate. Die spesiale nommerplate word gemaak by 'n goedgekeurde handelaar.

Om 'n spesiale lisensienommer te hou of oor te dra, kan jy 'n aansoekvorm aan die lisensienommerafdeling stuur. Aansoeke moet 'n RSA ID en 'n Verkeersregisternommer of 'n Sakeregistrasiesertifikaat, soos van toepassing, by hê.

Vir meer inligting kan jy die Cape Gateway-inbelsentrum bel by 0860 142 142.

Daar is spesiale voorwaardes van toepassing op die gebruik van spesiale nommerplate.

Besoek vir meer inligting asseblief die Wes-Kaapse Provinsiale Administrasie Persoonlike en Spesiale Diskrete Nommers-webwerf waar jy kan:

• nagaan of 'n lisensienommer beskikbaar is
• 'n aanlyn aansoekvorm kan indien.