• wanneer eienaarskap van die voertuig verander;
• wanneer die voertuig gederegistreer word;
• 31 dae nadat 'n voertuig teruggeneem is, of
• wanneer 'n boedel afgehandel word na die voertuigeienaar se dood.

Om 'n nuwe voertuig te registreer, moet u vorm RLV by 'n motorregistrasiesentrum invul, vergesel van:

• u ID-dokument en
• die vervaardigersertifikaat.

U moet die voertuig se onderstel- of enjinnommer hê.

Om 'n tweedehandse voertuig te registreer, moet u vorm RLV by 'n motorregistrasiesentrum invul, vergesel van:

• u identifikasie-dokument;
• die voertuigregistrasie (in die verkoper se naam);
• 'n padwaardigheidsertifikaat, en
• bewys van aankoop van die voertuig.

Wanneer die voertuig geregistreer word, word 'n registrasiesertifikaat aan die eienaar uitgereik.

Indien 'n voertuig verander of herbou is, byvoorbeeld indien 'n nuwe enjin gennstalleer is, moet die voertuig herregistreer word. In hierdie geval moet u 'n polisieklaringsertifikaat en 'n padwaardigheidsertifikaat bekom voordat u die voertuig kan registreer.

Nota: Daar is ook bykomende vereistes ten opsigte van voertuie wat gederegistreer is, uit onderdele opgebou is, uit die boedel van 'n afgestorwene bekom is, teruggeneem is, buite die grense van Suid-Afrika bekom is of voorheen as gesteel aangemeld is.