• Watervoorsiening
• Versameling en wegdoen van riool
• Vullisverwydering
• Voorsiening van elektrisiteit en gas
• Bou en instandhouding van munisipale paaie
• Stormwaterdreinering
• Straatbeligting
• Munisipale parke en ontspanning.

Om hierdie dienste te kan lewer, hef die Munisipaliteit belastings op inwoners. Daar is verskillende soorte belasting, insluitende:

• eiendomsbelasting;
• heffing op water;
• heffing op elektrisiteit.

WATER EN ELEKTRISITEIT

Hierdie belasting hang af van jou water- en elektrisiteitsverbruik. Jy sal 'n maandelikse rekening ontvang wat toon hoeveel jy verskuldig is.

Vir meer inligting hieroor, skakel met jou plaaslike munisipaliteit.

EIENDOMSBELASTING

Eiendomsbelasting:

• is belasting op die eienaarskap van eiendom (grond en geboue);
• is gebaseer op die markwaarde van die eiendom;
• word gebruik om te betaal vir verskeie dienste wat deur munisipaliteite gelewer word.

Eiendomsbelasting word betaal deur eienaars van alle soorte vaste eiendom, insluitende kommersiële, industriële, residensiële, landbou- en staatseiendom.

Eiendomsbelasting is gebaseer op die munisipale waarde van jou eiendom. Eiendomsbelasting word plaaslik bepaal, ingevorder en gebruik. Dit beteken dat die koerse van gebied tot gebied wissel en dat die geld in jou munisipale gebied bestee word.

Die munisipale waarde van jou eiendom word bereken aan die hand van die markwaarde van die eiendom, wat grond en verbeterings insluit. Die waardasies word gedoen deur professionele, onafhanklike waardeerders wat by die Suid-Afrikaanse Raad van Waardeerders geregistreer is, wie se werk is om seker te maak dat alle eiendomme billik en objektief gewaardeer word.

Sodra jou eiendom gewaardeer is, kan jy jou waardasie ondersoek en daarteen appelleer as jy voel dit is onredelik.

Die provinsiale Departement van Plaaslike Regering is daarvoor verantwoordelik om plaaslike owerhede by te staan om die toepaslike wette te vertolk en toe te pas.