1. Watter Beurse in Toerime bied die Provinsiale Regering aan?
2. Wat Dek die Beurs?
3. Sal Ek Enigiets Moet Terugbetaal of -werk?
4. Wie Kan Aansoek Doen om 'n Beurs?
5. Hoe Kan Ek Aansoek Doen?
6. Waar Kan Ek Meer Inligting Kry?

Die Provinsiale Departement van Ekonomiese Ontwikkeling en Toerisme bied oor die algemeen twee beurse vir voltydse studie aan, mits daar 'n behoefte aan die vaardighede in die provinsie is. Die beurse is:

• Diploma in Toerismebestuur en -gasvryheid ('n drie-jaar kursus by die Kaapse Skiereiland Universiteit van Tegnologie)
• Die Breedekloof Wyn- en Toerismebeurs ('n vyf-jaarkursus aan die Universiteit van Stellenbosch, aangebied in samewerking met ondernemings in die private sektor)

Die Technikonbeurs dek klasse, terwyl die beurs aan die Universiteit van Stellenbosch klasse, boeke, toerusting, verblyf en kos dek.

Nee. Dié is nie terugwerkbeurse nie, en jy hoef ook nie enige geld terug te betaal nie.

Om aansoek te doen vir een van die beurse moet jy:

• 'n Suid-Afrikaanse burger of permanente inwoner wees
• 'n Inwoner van die Wes-Kaap wees
• In staat wees om geldelike behoefte te bewys
• Verkieslik van 'n geskiedkundige benadeelde agtergrond wees
• Aanvaar wees vir studie aan die betrokke tersiêre instelling

Die Departement keur aansoekers uit die lys van studente wat geregistreer is vir die betrokke kursus. Keuring vind gewoonlik plaas in Februarie of Maart van die eerste akademiese jaar,

As jy dink jy kom in aanmerking vir die beurs kragtens die bogenoemde voorwaardes, skakel jou instelling se beurskantoor.