Vrae wat ouers die meeste oor die onderrig van hulle skoolgaande kinders vra - Die Wet op Suid-Afrikaanse Skole van 1996 vereis dat alle kinders tussen die ouderdomme van sewe en 15 moet skoolgaan. Ouers en voogde moet seker maak dat alle leerders van dié ouderdom by 'n skool ingeskryf is. As 'n ouer begin jou verhouding met die skool die dag wat jy besluit om jou kind by 'n sekere skool in te skryf. Die verhouding word bepaal deur 'n stel regte en verantwoordelikhede teenoor die skool.