Ilungelo Lokukholiseka Okungundoqo Ekufezekisweni Kweemfuno Ezingundoqo
Bonke abathengi banelungelo lokufumana iimveliso neenkonzo ezingundoqo ezifana nokutya, amanzi okusela, indawo yokuhlala, impahla yokunxiba, unonophelo lwempilo nemfundo.

Ilungelo Lokufumana Ukhuseleko
Abathengi banelungelo lokuzikhusela kwiimveliso neenkonzo ezibeka ukhuseleko lwabo emngciphekweni. Ezi mveliso zibeka ukhuseleko emngciphekweni zingakhokelela ekutshabalaleni kwempahla nezakhiwo, ekonzakaleni nditsho nasekusutyweni kukufa.

Ilungelo Lokwaziswa
Abathengi banelungelo lokufumana ulwazi olupheleleyo ngexabiso, inani, kwanezithako kwabo banikezela ngeemveliso neenkonzo.

Ilungelo Lokukhetha
Abathengi banelungelo lokukhetha kuthotho lweemveliso neenkonzo ezisemgangathweni ezithengiswa ngamaxabiso akumgangatho oncumisayo.

Ilungelo Lokuviwa
Ukumelwa: Abathengi banelungelo lokumanyelwa futhi bavakale ngemiba, imigaqo-nkqubo, izicwangciso, iinkqubo nezigqibo ezibachaphazelayo.

Ilungelo Lokusonjululwa Kweembambano
Abathengi banelungelo lokuhoywa nokuthathelwa ingqalelo kwezikhalazo zabo ngeemveliso neenkonzo ezikumgangatho ophantsi, ezingakhuselekanga, ezimaxabiso axhome ngokuxhomisa amehlo, amabango angatshongo khona nanomkhethe nezinye nje iintshukumo ezibachaphazelayo ezingalunganga.

Ilungelo Lokufundiswa Ngokuba Ngumthengi
Abathengi banelungelo lokufundiswa ngendlela eza kubanceda bakhethe benolwazi futhi beluthembile ulwazi abanalo ngeemveliso neenkonzo.

Ilungelo Lendawo Yokuhlala Nokuphangela Esempilweni Nezinzileyo
Abathengi banelungelo lokuhlala nokuphangela kwindawo engabeki mnciphekweni impilo nobomi babo futhi engenakubangela ngozi kwisizukulwana esiphila ngoku kwaneso sisezayo.

Ukuze ufumane iinkcukacha ezithe vetshe ngamalungelo abathengi, tyelela iwebsite yeNational Consumer Forum.