Die fokus van Toerisme Ondernemingsontwikkelingis om die huidige eienaarskapbasis in die toerismebedryf in die Wes-Kaap te verbreed en seker te maak dat daar meer suksesvolle, winsgewende en florende toerismeondernemings in swart besit in die Provinsie is.
Ons probeer dié doelwitte bereik deur toerisme-entrepreneurs te steun om:

• Hulle sakebestuur-vaardighede en -vermoëns te verbeter.
• Hulle bewustheid van toerisme en die geleenthede en uitdagings daarin te verhoog.
• Marktoegang deur ‘n verskeidenheid meganismes vir die ondernemings te verseker.

Daarby het Toerisme Ondernemingsontwikkeling ook ‘n Veel-vlak Steunstrategie ingestel waar ondernemings in vier groepe of vlakke van sakeontwikkeling ingedeel word. ‘n Unieke stel programme is ontwikkel vir elkeen van die vlakke.

Besonderhede oor die vlakke en hulle onderskeie programme is beskikbaar in die brosjure, Hoe Kan Ons Jou Toerismeonderneming Steun.

DIE TOERISMESAKEFORUM

Toerisme Ondernemingsontwikkeling is in vennootskap met ‘n aantal organisasies wat transformasie en SEB as van hulle sleuteldoelwitte beskou.

Saam vorm ons die Toerismesakeforum (TSF), wat gereeld vergader en ‘n gesamentlike strategie aanvaar het. Met ‘n gesamentlike visie, gedeelde programme, saamgevoegde bronne, bewerkstellig die TSF ware entrepreneurskapontwikkeling in die Wes-Kaap.

HOE KAN ONS JOU TOERISMEONDERNEMING STEUN