Die Direktoraat Klantbetrekkinge en Kommunikasie beoog om effektiewe interne en eksterne betrekkinge en kommunikasiedienste van die Departement Plaaslike Regering en Behuising in die Wes-Kaap te bevorder.

Funksies:

• Die leiding en bestuur van interne en eksterne kommunikasiedienste en spesiale projekte vir en in die Departement.
• Die bevordering en instandhouding van uitstekende interne en eksterne klantbetrekkinge.
• Die lewering van fasiliterende effektiewe steundienste aan die Huurbehuisingstribunaal om effektief aan inspeksies, ondersoeke, bemiddeling van geskille en sekretariaatdienste aan departementele klante aandag te skenk.
• Die lewering van 'n effektiewe HULPKANTOOR-diens aan die Departement se kliënte of behuisingsvestigingsbegunstigdes.
• Die versekering van die effektiewe bestuur van spesiale projekte, byvoorbeeld MIV/vigs, WBP, Jeugprogramme en die monitering van die regverdige billike implementering van Menseregtebeleide wat veral die GESTREMDES, DIE BEJAARDES en ander EB-teikens, ens. raak.
• Die verlening van effektiewe strategiese kommunikasie- en klantbetrekkingesteun aan die Ministerie vir byvoorbeeld gemeenskapsuitreikveldtogte, terreinbesoeke, die beantwoording van korrespondensie, ens.
• Redaksionele en tegniese bestuur van die NUUSBRIEF en die WEBBLAD
• Vestig en bestuur 'n Taaleeheid vir die Departement.