Die doel van die Departement van Provinsiale en Plaaslike Regering is om 'n nasionale stelsel van geïntegreerde en koöperatiewe staatsbestuur te ontwikkel en te bevorder en om provinsiale en plaaslike regering te ondersteun.

Die primêre mandaat van die Departement is die volgende:

• om nasionale beleid en wetgewing wat strewe om regeringsowerhede te transformeer en te versterk sodat hulle hul rolle kan vervul, te ontwikkel en te moniteer
• om meganismes, stelsels en strukture wat geïntegreerde dienslewering binne die regering moontlik maak, te ontwikkel, bevorder en te moniteer
• om volhoubare ontwikkeling te bevorder deur ondersteuning aan provinsiale en plaaslike regering te bied.

Die Departement bied dienste ten opsigte van die volgende aan:

• finansiële stelsels
• regstelsels
• interregering-verhoudingstelsels
• prestasiebestuurstelsels
• tradisionele leierskap en instellings
• infrastruktuur
• ontwikkelingsbeplanningstelsels
• plaaslike ekonomiese ontwikkeling
• menslikehulpbron-ontwikkelingstelsels
• inligting en inligtingstegnologiestelsels