Statistiek SA beoog om sosio-ekonomiese ontwikkeling te bedien met toeganklike gehalte-inligting deur middel van beter statistiek, beter toegang tot inligting en beter bestuur.

Statistiek SA is verbind tot die volgende:

• tersaaklikheid: om die data, inligting en analise wat nodig is vir die implementering en monitering van die land se groei en ontwikkelingstrategie te voorsien
• betroubaarheid: om deskundige statistiese resultate op die basis van gepaste prosedures wat sensitief is vir die diversiteit van ons burgers, te lewer
• verteenwoordiging: om 'n organisasie te word wat al hoe meer die bevolking weerspieël ten opsigte van bevolkingsgroep, geslag, en fisieke gestremdheid
• reaksie: om in die statistiese behoeftes van ons belanghebbendes in nasionale, provinsiale en plaaslike regering, arbeid en bestuur, parastaat- en navorsingsinstellings, die burgerlike sameleweing en spesiale belangegroepe te voorsien

Die werk van Statistiek SA sluit die volgende in:

• om amptelike demografiese, ekonomiese, en maatskaplike sensusse en opnames te onderneem
• om administratiewe statistieke te versamel en te verwerk
• om statistiese verslae en vrystellings te publiseer en te versprei
• om nasionale en regeringsrekeninge saam te stel
• om statistiese advies aan die regering en ander instellings te voorsien
• om statistiese opnames en steekproewe te analiseer om akkuraatheid en konsekwentheid te verseker.