IKomiti yeeLwimi yeNtshona Koloni

DESCRIPTION:

	UXANDUVA
	Le Komiti Yeelwimi yaseNtshona Koloni inoxanduva: Ukuqinisekisa ukulingana kweelwimi ezintathu ezisetyenziswa ngokusesikweni kweli phondo. Ukubeka iliso ekusetyenzisweni kweelwimi ezisesikweni kweli phondo ngurhulumente weNtshona Koloni. Ukuphakamisa nokukhuthaza ukusetyenziswa kweelwimi ezininzi kweli phondo. Ukuphakamisa uphuhliso lweelwimi zeli lizwe ebezisa kusengelwa phantsi, kuquka nolwimi Lwabantu Abangevayo. Ukucebisa uMphathiswa kwimiba yeelwimi. Ukucebisa iPan South African Language Board kwimiba yeelwimi echaphazela iNtshona Koloni.

IMVELAPHI

Le Komiti liqumrhu elamiselwa ngokusemthethweni ngokwemigaqo yeCandelo lesithandathu loMthetho wePalamente Yesizwe iWestern Cape Provincial Languages Act ka-1998. iKomiti Yeelwimi le ikwancedisa njengekomiti encedisayo yephondo yePan South African Language Board yaye kufuneka icebise le Bhodi kwimiba yeelwimi echaphazela eli phondo.

IKOMITI

Ukwakhiwa kwale Komiti kuvumela ukumelwa kwezi lwimi zintathu zisetyenziswa ngokusesikweni apha eNtshona Koloni - ezisisiBhulu, isiXhosa nesiNgesi, ndawonye nolo lwabangevayo kwakunye nezo zemveli. Amalungu eKomiti Yesizwe asebenzela le komiti isithuba esiyiminyaka emithathu yaye achongwa nguMphathiswa wePhondo weSebe Lemicimbi Yernkcubeko Imidlalo Nezolonwabo, emva kokuba ekhethwe luluntu ze bahlahlwa kuhle kuluhlu lwabo bafanelekileyo yiKomiti Yephondo Emiyo Kwezobugcisa Nenkcubeko.

UKUFEZEKISWA KWAMAPHULO

iCandelo Leelwimi eliphantsi kweSebe Lemicimbi Nezemidlalo lilawula imicimbi yeKomiti Yeelwimi yeNtshona Koloni yaye likwanoxanduva lokuphumeza amaphulo.

EMAIL:

exa@pgwc.gov.za

TELEPHONE:

021 483 9677

FAX:

021 483 9675

STREET ADDRESS:

3rd Floor, Protea Assurance Bldg, Green Market Square, Cape Town, 8000

POSTAL ADDRESS:

Private Bag X9067, Cape Town, 8000

OVERSEEING GOVERNMENT BODY:

Department of Cultural Affairs & Sport (Provincial Government of the Western Cape)

The content on this page was last updated on 9 September 2005

Cape Gateway is a government service aimed primarily at citizens of the Western Cape, providing information on local, provincial and national government