Amathala Eencwadi ePhondo leNtshona Koloni
DESCRIPTION: |
Le nkonzo inikezelwa ngoorhulumente beedolophu ngentsebenziswano neNkonzo Yethala Leencwadi yeNtshona Koloni. Amathala eencwadi ngamaziko olwazi kubantwana nabantu abadala. Uluntu lunakho ukufumana okanye luboleke iincwadi, iincwadi ezincedisa ekufundiseni, amacwecwe omculo, imiboniso-bhanya-bhanya, amacwecwe okugcina ulwazi, amaphepha-ndaba kwakunye namaphepha aveliswa ngamaxesha athile kwithala leencwadi elikufutshane nabo. Amathala eencwadi yinkonzo yoluntu ekhuthaza ukufunda, ephuhlisa ulwazi oluphangaleleyo, ebonelela ngokubukelwa kwemiboniso-bhanya-bhanya, eququzelela iintshukumo, yaye ebonelela ngeenkqubo zeholide kubafundi kwakunye neeyure zamabali kwiimveku. IiKona zamaShishini Asakhulayo kumathala eencwadi athile zibonelela ngoncwadi oluneengcebiso zoshishino kubantu abanamashishini. Ikhadi lethala leencwadi liyafuneka ukuze ukwazi ukuboleka, ukubuyisa okanye ukuphinda kubolekwe impahla yethala leencwadi elo. Amalungu ethala leencwadi anakho ukufaka izicelo zokuboleka kumanye amathala eencwadi. Amathala eencwadi akwanikezela ngeenkonzo zokukopa kuluntu yaye amanye anikezela nge-internet simahla. Ubulungu bexeshana buyafumaneka kubaboleki abasebenzisa amathala eencwadi angaphandle kweengingqi zoomaspala babo. |
INSTRUCTIONS: |
Ikhadi lobulungu bethala leencwadi linikezelwa xa ubhalisa kwithala leencwadi elikufutshane nalapho uhlala khona. Kufuneka uye nencwadana yakho yesazisi ze ugcwalise iphetshana lesicelo sekhadi lethala leencwadi. Uya kulifumana ikhadi lakho lobulungu ngeposi kwiiveki nje ezimbini. |
PROVIDED AT: |
These facility categories: |
PROVIDED BY:
|
GOVERNMENT BODY:
|
Library and Archival Services (Department of Cultural Affairs & Sport, Provincial Government of the Western Cape) |
PRICE: |
Ubulungu Bethala Leencwadi busimahla. |
The content on this page was last updated on 16 July 2004
|
|
Cape Gateway is a government service aimed primarily at citizens of the Western Cape, providing information on local, provincial and national government |  |