Wesgro het 'n Uitvoerderontwikkelingsprogram wat uitvoerkursusse bied vir uitgesoekte klein ondernemings in die Wes-Kaap om hulle vermoë te verbeter om internasionaal mee te ding. Drie vlakke van opleiding word aangebied:

• Vlak 1 Uitvoerbewustheidkursus: Dié tweedag kursus dek uitvoerbestuur, bemarkingsplanontwikkeling, finansiële bestuur en uitvoerlogistiek.
• Vlak 2 Uitvoeroriëntasiekursus: Dié kursus, vir mense wat reeds Vlak 1 voltooi het, dek die voordele van uitvoer, die uitken van uitvoerrisiko's, beplanning vir uitvoer, bemarkingsaspekte en elemente van uitvoerlogistiek. Dit word deeltyds aangebied met een volle dagsessie elke 10 dae, altesaam agt dae oor drie maande.
• Vlak 3 Gespesialiseerde Eendagkursusse: Dit is vir ervare uitvoerders wat meer gespesialiseerde opleiding nodig het. Onderwerpe wat gedek word is onder meer Incoterms 2000 en uitvoerkostebepaling, metodes van betaling in internasionale handel, uitvoerdokumentasie en die rol van buitelandse valuta in internasionale handel.

Wesgro bied ook 'n reeks van eenmalige seminare en slypskole gesubsidieerde mentorskap aan, veral vir maatskappye wat ingeskryf het vir die Vlak 2-kursus. Mentorskap loop parallel met die opleidingsprogramme, met mentors wat toegewys word aan maatskappye na 'n uitvoergereedheidstoets.

Besoek vir meer besonderhede Wesgro se webwerf.

• Uitvoerdokumentasie
• Incoterms & Kostebepaling
• Betaalmetodes
• Internasionale bemarking