Die aansoeke word ooreenkomstig die Wet op Nasionale Omgewingsbestuur van 1998 geëvalueer, met spesifieke verwysing na Artikel 24(7) van die Wet, ten opsigte van die ondersoek, assessering en kommunikasie van die potensiële impak van die aktiwiteit waarvoor aansoek gedoen word. Die Department sien toe dat hierdie aansoeke met ander verwante aansoeke gekoördineer word, byvoorbeeld 'n huurooreenkoms ooreenkomstig die Strandwet van 1935, of 'n OIA-aansoek waar aansoek gedoen word vir konstruksie onderkant die hoogwatermerk.

Op grond van hierdie assessering sal 'n besluit deur die Departement van Omgewingsake en Ontwikkelingsbeplanning geneem word of die aktiwiteit waarvoor aansoek gedoen word, gemagtig word of nie.