Die ontydige dood van Ricardo Mowries, wie Maandagaand beswyk het nadat hy deur 'n lem van n baalmasjien getref is, word deur die hele Landbou gemeenskap betreur. Namens die Regering van die Wes-Kaap en die Departement van Landbou, vir wie elke werker se lewe kosbaar is, wil ek my meegevoel aan die familie en naasbestaandes betuig. U verlies is ook ons verlies.

Ek het reeds 'n verslag van die Departement van Arbeid in Worcester aangevra oor die voorval en sal meer omvattend oor die voorval reageer sodra die amptelike besonderhede bekend is.

Die veiligheid van werkers in die werkplek is vir alle rolspelers binne landbou van groot belang. Hierdie aangeleentheid geniet ook in besonder aandag in die Strategiese Plan wat die Departement opgestel het na afloop van die plaaswerker indabas wat die afgelope jaar plaasgevind het.

Alie van Jaarsveld
Spokesperson
Ministry of Agriculture: Western Cape
Tel: 021 483 4930
Fax: 021 483 3890
Cell: 084 604 6701
Email: avjaarsv@pgwc.gov.za

A Home for All ~ 'n Tuiste vir Almal ~ iKaya Lethu Sonke

http://www.capegateway.gov.za