Umsebenzi we-Sebe Lobugcisa Nenkcubeko:

• Kukukhokela, liqalise, ze lifezekise izivumelwano zentsebenziswano elizityikitye namanye amazwe kwicandelo lobugcisa nenkcubeko.
• Kukuqinisekisa ukumelwa kobugcisa nenkcubeko yoMzantsi Afrika kwiqonga lamazwe ngamazwe.
• Kukulawula ubutyebi kwakunye nemicimbi yemiboniso bhanya-bhanya yeli lizwe.
• Kukulawula nokuphatha ubugcisa, inkcubeko kwakunye mamaziko elifa lemvelo.
• Kukuphuhlisa ubugcisa, inkcubeko kwakunye neminyhadala yelifa lemvelo.
• Kukuxhasa amanyathelo abucala emfundo noqeqesho kwezobugcisa.
• Kukuxhasa uphuhliso nokufikeleleka kobugcisa.
• Kukuxhasa ukugqwesa kwakunye nobuqilima bobugcisa.
• Kukukhuthaza intsebenziswano nokusekwa kwamatyathanga oqhagamshelwano kweli lifa lemveli loMzantsi Afrika lityebe kangaka.
• Kukuqokelela ze kulondolozwe ilifa lemveli elikoovimba besizwe, ze futhi kuqinisekiswe ulawulo nononophelo olululo lwamaxwebhu karhulumente.
• Kukunikezela ngeenkonzo zokugcina imbali.
• Kukuphuhlisa amaziko obugcisa ngentsebenziswano namashishini abucala.
• Kukunikezela ngeenkonzo zokuguqulela kwezinye iilwimi nezokuhlela kumasebe karhulumente wesizwe.
• Kukuphakamisa iilwimi zemveli.
• Kukunikezela ngeenkonzo zocwangciso lweelwimi kwakunye nezesigama.
• Kukuqinisekisa umgangatho womsebenzi kwakunye nokunikezela ngeengcebiso ngokusetyenziswa ngendlela eyiyo kwamagama eendawo.
• Kukulawula nempatho karhulumente kumathala eencwadi esizwe, iincwadi nolwazi.