|
iSebe Lophuhliso Loqoqosho Nokhenketho liseke Iphulo Lobugcisa elikwaziwa njengoBugcisa Kushishino, ukunika amagcisa akwiNtshona Kapa isikhundla sokuthengisa nokwazisa ngeemveliso zawo zonyaka ka-2005. Eli phulo ke libonwa njengenyathelo elibalulekileyo kwilinge lokuphuhliswa kobuchule bobugcisa kwakunye namacandelo enkubeko ngazo zonke iindlela ezinokuba lulutho kuthi. Amagcisa akwiNtshona Kapa kwakufuneka asebenze Ngehlabathi Lamathuba Engqesho kwiNtshona Kapa". Imiboniso eyayibonisa amashishini aphumeleleyo, amashishini asakhasayo ndawonnye nabantu abasebenza kwimibutho emileyo athi angenela. Imisebenzi yepeyinti kwafuneka yenziwe ngepeyinti ye-akhrilikhi okanye nge-oli kwibhodi eqinileyo okanye kwilaphu leseyile ze ibe nobukhulu obungama-60 cm nobunzulu obungama-40 cm. Abafaki-zicelo abathi bafakwa kuluhlu lwabaphambili bathi bahlola-hlolwa. Le misebenzi yepeyinti kwakufuneka igqitywe kwiiveki nje ezimbini ukusukela ngosuku lokuqashwa kwabo. Eli Sebe liceba ukuhlanganisa ze liqokelele imisebenzi ezotywe ngepeyinti kwisithuba sexesha. Iinkcukacha zamagcisa abazobi ziyafumaneka ngeenjongo zokwenza lula kubantu abaceba ukuthenga imisebenzi yawo ngqo kubo. Amalungu eqela lamagcisa athe abonisa ngemisebenzi yawo kulo mnyhadala Wemiboniso Kubakhenkethi (ka-2005), Kwiveki Yamashishini Asakhasayo (ka-2005) kwanase-Arts Cape Marble Foyer, e-Arts Cape, eKapa ngenyanga yoKwindla ka-2005, ngexesha loMnyhadala waseKapa. Eli Sebe lingenise imisebenzi yamagcisa asebenzela apha kwiNtshona Kapa kumboniso iPOSITIVE 2006. Izimvo Zabazobi uVelile Soha waqala ukuba nomdla kubugcisa eselula kakhulu. Wenza izifundo zokuzoba, ezokuchwela, ukuthabatha imifanekiso, imizobo eyenziwe ngepeyinti, ukuzoba nokubhala ngobuchule. Njengokuba esebenza ngengomzobi ixesha lakhe lonke, imisebenzi kaVelile sele iboniswe kwiminyhadala emininzi apho ayedwa kuyo kwanaleyo yamaqela amagcisa kuMzantsi Afrika jikelele, eNamibia, e-USA naseYurophu, Injongo yam kukubonisa izizwe zangaphandle indlela abantu bam ababuphila ngayo ubomi babo," uphefumla atho uVelile. uRobert Thembinkosi yena osuka eZwelethemba, eVostile, wafunda ubugcisa bokuzoba ngeminyaka yoo-1980. Uyibonise kweli nakumazwe angaphandle imisebenzi yakhe. URobert ukwabhala imibongo namabali amafutshane. "Ndenza imizobo yepeyinti ezindongeni, emalaphini nakwiibhodi zemizobo ze ndifundise nabantwana baseZwelethemba (iimfihlelo) ngale mizobo," utsho uRobert. URaymond Lawrence yena usuka e-Arniston. Akayiyelanga sikolweni yena mizobo yobugcisa yaye waqala ngokuzoba iintshukumo nezinto zala ngingqi. " Ndenza imizobo yeKassiesbaai kwakunye nezinye iintshukumo ngeenkumbulo nje kuphela, kunokuba ndiye kwezo ndawo ngokwam," utsho. |
