Die Departement van Gemeenskapsveiligheid voorsien 'n toekoms waarin die inwoners van die Wes-Kaap verlos is van die vrees vir misdaad.

Sommige bedrywighede waarby die Departement betrokke is, is:

• Verkeersbestuur
• Misdaadvoorkoming
• Bedryfsteun
• Burgerlike toesig
• Inligtingsentrum oor Gemeenskapsveiligheid.

Die Departement verleen ook bedryfsteun deur middel van opleiding aan munisipale polisiebeamptes, bystand aan die skema vir gemeenskapspatrolliebeamptes en die akkreditering en opleiding van buurtwagte.

Die Departement het ook 'n Inligtingsentrum oor Gemeenskapsveiligheid tot stand gebring om inligting oor misdaad en padongelukke in te samel en te ontleed ten einde te help met die opstel van bedryfsplanne. Hierdie planne gaan uitgevoer word om 'n veiliger omgewing mee te bring.