Die doel van die Departement van Kommunikasiewese is om beleid te formuleer en die implementering daarvan in die telekommunikasie-, pos- en uitsaaidienste te verseker. Die Departement beheer ook oordragte na die volgende:

• SuidAfrikaanse Poskantoor
• Suid-Afrikaanse Uitsaaikorporasie
• Onafhanklike Kommunikasie-owerheid van Suid-Afrika
• Nasionale Elektroniese Media-instituut van Suid-Afrika
• Universele Diensagentskap.

Die Departement beoog die volgende:

• om die lewensgehalte van alle Suid-Afrikaners te verbeter
• om Suid-Afrika 'n kennisgegronde gemeenskap te maak
• om 'n inligtings-ekonomie te help skep

Dit sal bereik word deur die daarstelling van netwerkinligting wat mense bemagtig waar hulle werk, lewe en speel; en deur Suid-Afrika globaal mededingend te maak.