I-Stats SA ijolise ekwaziseni ngophuhliso loqoqosho loluntu nasekunikezeleni ngolwazi olusemgangathweni ngokuthi inikezele ngezibalo ezingcono, indlela engcono yokufikelela kulwazi kwanolawulo olungcono.

I-Stats SA izinikezele ekubeni:

• Isoloko ifuneka: inikezele ngeenkcukacha, ulwazi nophicotho olufunekayo ukuqinisekisa ukusebenza nokubekwa kweliso kwisicwangciso-qhinga sokukhula nokuphuhla kwesizwe.


• Ithembakale: ngokuvelisa iziphumo zezibalo ezinamagunya ngokwemigaqo efanelekileyo eyiqwalasela kakhulu imiba yokwahluka kweenkcubeko zabemi beli.


• Ihambelane nobume besizwe: ukuba ngumbutho ohambelana namanani abemi beli lizwe ngokobuhlanga, isini ngokobudoda nobukhosikazi kwanokukhubazeka ngokwasenyameni.


• Isoloko inempendulo: ukumelana neemfuno zezibalo zabantu ejongene nabo kurhulumente wesizwe, abamaphondo nabeedolophu, ezabasebenzi nolawulo, amaqumrhu angekho phantsi kukarhulumente ncam namaziko ophando, uluntu ngokubanzi kwanamaqela athi abe nomdla kwimiba ekhethekileyo.

Umsebenzi weStats SA ubandakanya:

• Ukuthatha izibalo nophando olusesikweni ngokwamanani abemi beli, olwezoqoqosho nololuntu jikelele


• Ukuqokelela nokulungisa izibalo zezolawulo


• Ukushicilelwa nokusasazwa kweengxelo nokunye okukhutshiweyo


• Ukuhlanganisa ii-akhawunti zesizwe nezikarhulumente


• Ukunikezela ngeengcebiso zezibalo kurhulumente namanye amaqumrhu


• Ukuphicotha uphando nemizekelo ukuqinisekisa ukuba akukho zimpazamo futhi nokuthi iziganeko zilandelelana ngendlela eyiyo.