Icandelo le-Statistics South Africa lenza uPhando malunga nezoHambo kwiSizwe, egameni leSebe lezoThutho lweSizwe ukususela ngomhla wama- 25 kuMeyi ukuya kumhla wama-20 kuJuni 2003.

Olu phando lwanika uhlalutyo oluchanekileyo malunga nezithuthi zoluntu ezingahlulwahlulwa ngokwesini, iindlela zothutho, imimandla yamaphandle neyeedolophu, kwaneengingqi zocwangciso zoomasipala (umz. iilokishi nemimandla esezidolophini eJohannesburg).

Lwaqhutywa olu phando ngokwenziwa kokuphanda kwimizi engama-50 000 kwilo lonke ilizwe ukukhangela iipateni zokuhamba kwanohlobo lwezithuthi abazisebenzisayo ukuya emisebenzini, ezibhedlele nasezikolweni.

ISebe lezoThutho lweSizwe labona ukuba ikho imfuneko yokwenziwa kophando ngenxa yokuba akukho sixhobo sithembekileyo esineenkcukacha esingasetyenziswa ukwenza umlinganiselo eyona nto iphambili ekhankanyiweyo kwizinto ezalathisa indlela owenziwa ngayo umsebenzi ngokwePhepha leNgcaciso yoMgaqo-nkqubo nomthetho oyi Land Transport Transition Act kubasebenzisi bezithuthi.

Iziphumo zolu phando ziya kuza neenkcukacha ezimalunga neSebe lezoThutho leSizwe, nkcukacha ezo ziya kunceda ekucwangciseni nasekuncedeni ekujoliseni kutyalo-mali oluza ngezothutho kwanakubonelelo ngemali.