INkundlaYamatyala Okuhlawulwa kweRente

INKCAZELO:

IIMPEPHA EZILUNCEDO

Complaint Forms

Imibuzo Ebuzwa Rhoqo: Ngabanini-mihlaba

Imibuzo Ebuzwa Rhoqo: Ngabantu Abaqeshileyo

Incwadana yale Nkundla

IINGXELO ZONYAKA

IMITHETHO

Imimiselo: Ngemigaqo Noxanduva Lwabasebenzi

Imimiselo: Ngeendlela Zokusebenza Ezingamkelekanga

Le Nkundla Ijongana Nemicimbi Yezindlu Eziqeshisayo inikezela ngenkonzo esimahla kubantu abaqeshe iindawo zokuhlala kwanabanini-mihlaba abalapha kwiNtshona Kapa. Owona msebenzi wayo kukusombulula iimbambano eziphakathi kwabantu abaqeshe iindawo zokuhlala kwanabanini-mihlaba. (Funda banzi ke ngendlela yokwenza oku.)

Yasekwa ngo-2001, yaye le Nkundl ayenziwa ngamalungu amahlanu (aquka usihlalo nesekela lakhe), malungu lawo atyunjwe nguMphathiswa wePhondo ojongene Nezindlu, yaye la malungu aziingcali kwicandelo lolawulo lwemihlaba, kumcimbi wophuhliso lwezindlu kwakunye nemicimbi yabathengi enento yokwenza bnezindlu eziqeshisayo. Le Nkundla ke incediswa liCandelwana Elinikezela Inkxaso leCandelo Lolawulo Lokusonjululwa Kweembambano Echaphazela Izindlu.

Le Nkundla iceba:

Kukulungisa ubudlelwane phakathi kwabanini-mihlaba nabaqeshi kwimihlaba yabo kwicandelo lezindlu eziqeshisayo.
Kukusombulula iimbambano ezithi zivele ngenxa yokusebenza ngeendlela ezingamkelekanga komntu othile.
Kukwazisa abanini-mihlaba kwanabaqeshi kwimihlaba yabo ngamalungelo noxanduva lwabo ngokwemigaqo yomthetho iRental Housing Act.
Kukwenza iziphakamiso kwabo bachaphazelekayo.

Nazi ke iinjongo zayo ke:

Ukuphakamisa nokukhuthaza imvisiswano kwicandelo lezindlu eziqeshisayo apha kwiNtshona Kapa.
Ukudala amacebo okusombulula iimbambano kwicandelo lezindlu eziqeshisayo.
Ukuba liliso, ukuphanda, ukuxolelanisa nokubiza izikhundla zokuchotshelwa kweembambano ngeenjongo zokuzisombulula.
Ukwazisa abanini-mihlaba nabaqeshi kwimihlaba yabo ngamalungelo noxanduva lwabo xa kunokuthi kugqabhuke iimeko zokungavani neendlela zokusebenza ezingamkelekanga.

Ukuchotshelwa kwezi mbambano kwakunye noxolelwaniso luncedo olusondele kakhulu ekusombululeni izikhalazo.

I-EMAIL:

sdewet@pgwc.gov.za

UMNXEBA:

086 010 6166

IFEKSI:

021 483 2060

IDILESI YESITALATO:

Department of Housing, 27 Wale Street, Ground Floor, Cape Town

IDILESI YEPOSI:

The Western Cape Rental Housing Tribunal, Private Bag X9083, Cape Town, 8000

UMNTU ONOKUDIBANA NAYE:

Simone de Wet

ICANDELO LIKARHULUMENTE ELIBEKA ILISO:

UBudlelwane nabaXhamli noNxibelelwano (ISebe loRhulumente woMmandla nezeZindlu, uRhulumente Wephondo leNtshona Kapa)

Umxholo okweli phepha wagqibela ukuhlaziywa nge- 23 uJuni 2008

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe