EZIPHAMBILI
		Indibano Yolwazi (ngomhla wama-25 kuCanzibe ka-2006) Iqela Eliza Kusebenza Okwexeshana Ingqungquthela Yeemvumi (7-8 kuKwindla ka-2006)
		BHALISA KWESI SIKHUNDLA SOLWAZI
		Yintoni ebandakanyekayo? Iphetshana Lokufaka Isicelo

Isidingo sokuba kuhlenga-hlengiswe eli candelo lomculo sabonwa ziimvumi ezazikhathazwayo yile meko, kodwa ke zazingafumani nkxaso kurhulumente ngaphambili. Ukugula kukaMnumzana Robbie Jansen, sisthwalandwe somculo opholileyo saseKapa, wathi kwakhona waphakamisa izimvo zeemvumi. Ezi zikhalazo ke zaziquka:

• amalungelo eemvumi,
• ukusekwa kwengxowa-mali yenkxaso, kwakunye
• ukungafumani mhlala-phantsi neenzuzo zonyango kweemvumi.

IMVELAPHI

Owayesakuba yiNtloko yeli Sebe, uMnumzana Rod Solomons wathi wabiza umhlangano owawukhawulezile neemvumi eziphambili, abaphathi matheko kwakunye nabasasazi boonomathotholo ngenyanga kaTshazimpunzi ka-2005. Ezi ntlanganiso ke zaziququzelelwa nguKelvin Katz noRod Solomons. Abathabathi-nxaxheba ababezimase ezi ntlanganiso bathi baseka Iqela Lexeshana Elaliza Kumela Iimfuno Zeemvumi. Amalungu eli qela ke ayequka uDimitri Jegels, owehlayo ngenxa yeminye imicimbi eyayingamvumeli, uRashid Lombard (owalayo ukuzimasa iintlanganiso), uJai Reddy, uMohammed Fall, uJoe Mthimka, uKobus Kwezi, u-Andre Petersen noSpencer Mbadu.Kwingungqutghela yokuqala yeeMvumi zeNtshona Kapa eyayingomhla we-7 nowe-8 kwinyanga yuoKwindla ka-2006, kwiziko leengqungquthela laseBOE, eWaterfront - Iqela Lexeshana Elalimele Iimfuno Zeemvumi laphinda lonyulwa ngokutsha. Abathunywa abathi bazimasa apho, bathi banika eli Qela Leemvumi zeNtshona Kapa amandla okuphatha imicimbi echaphazela iimvumi.

IINJONGO ZALO MBUTHO WEEMVUMI ZASENTSHONA KAPA

1. Kukuseka iqela elibonakalayo kweli phondo ngokubanzi ze ngolo hlobo ube lo mbutho usondeza iimvumi eluntwini.
2. Kukuseka amaziko ezibonelelo zeemvumi kweli phondo ngokubanzi (kule mimandla mithandathu ifana neBoland, uNxweme oluseNtshona, i-Eden, uMbindi Karoo, i-Overberg neMetropole) inokusetyenziswa ziimvumi, amachule obugcisa, abaqashi kwicandelo lolwazi, ezemfundo, inkxaso- njalo-njalo.
3. Ukuseka isikhundla solwazi sabantu esinokubadinga kwicandelo lomculo apha kwiNtshona Kapa.
4. Ukudala nokulawula ingxowa-nmali yoncedo ngeenjongo zokunceda iimvumi nokunikezela inkxaso kwiimvumi ezithi zijamelane neenzima zemali
5. Ukudala izikhundla apho iimvumi kwanabanye abantu namaqela abandakanyeka emculweni banokuxhotyiswa ngokoqoqosho.
6. Ukuseka iindlela zokusebenza ezijonga imiba efana neentlawulo neengeniso; iindlela zokuziphatha nezokusebenza, njalo-njalo.
7. Ukuqeqesha kwanokuvelisa abantu abatsha abanetalente nethuba lokuba ziimvumi zangomso ezinesiphiwo?.iinkwenkwezi zoMzantsi Afrika.

• iSebe Lemicimbi Yenkcubeko Nemidlalo
• iSebe Lophuhliso Loqoqosho Nokhenketho
• uMbutho Wexeshana Weemvumi zaseNtshona Kapa