Inkxaso Kumashishini Asakhasayo Athengisela Amazwe Angaphandle - iNkqubo Yophuhliso Lweentengiso Kumazwe Angaphandle

INKCAZELO:

Amashishini angathanda ukufunda ngeendlela zokuthengisela iimalike zamazwe angaphandle, okanye aphucule indlela asebenza ngayo, angalufumana ulwazi kwakunye namathuba oqeqesho kwezi ndawo zilandelayo:

iWesgro

Wesgro inenkqubo Yophuhliso Lweentwngiso Kumazwe Angaphandle enikezela ngezifundo noqeqesho ngeentengiso kumazwe angaphandle kumashishini asakhasayo ambalwa nakhethekileyo alapha eNtshona Koloni ngeenjongo zokuphucula izakhono zawo zokukhuphisana namanye amashishini amazwe angaphandle. Mathathu amanqanaba olunikezelwa ngawo olu qeqesho:

Inqanaba Lokuqala Lokwazisa Ngeentengiso Kumazwe Angaphandle: Ezi zifundo zithatha iintsuku ezimbini ziquka ulawulo lweentengiso kumazwe angaphandle, isicwangciso sophuhliso lwenkqubo yokwazisa ngemveliso, ulawulo lwezimali kwakunye namacebo okuthengisela amazwe angaphandle.
Inqanaba Lesibini Elingokwazisa kolu Shishino: Ezi zifundo, ezinikwa abo basele bedlulile kwizifundo zenqanaba lokuqala, linika amashishini izakhono ngeenzuzo zokuthengisela amazwe angaphandle, ukufumanisa imingcipheko neengozi zezi ntengiso, amacebo okwazisa ngemveliso yakho kwakunye namanqanaba olu shishino. Ezi zifundo ke ziqhutywa usuku lonke rhoqo emva kweentsuku ezilishumi, de ezo ntsuku zibe sibhozo emva kweenyanga ezintathu.
Inqanaba Lesithathu Lezifundo Zeengcali kweli Shishini: Ezi ke zezamashishini asele enamava ekuthengeseleni abathengi bamashishini amanye amazwe kodwa abadinga olunye uqeqesho lweencutshe. Imiba ekhoyo ke apha iquka iIncoterms 2000 kwakunye neendleko zokuthengisa ngaphandle, iindlela zokuhlawula kwakunye neentengiso kumazwe angaphandle ndawonye neempepha ezisetyenziswayo apha nendima yeemali zamanye amazwe kushishino lwamazwe amaninzi.

iWesgro le ikwanikezela nangothotho lweendibano zoqeqesho neengcebiso ingakumbi kwiinkampani ezibhalisele ukugqiba inqanaba lesibini lezi zifundo. Iinkqubo yeengcebiso inikezelwa ngaxesha-nye neenkqubo zoqeqesho, apho abacebisi basiwa kwwinkampani emva kokuba zinikwe uvavanyo lokulungela ukuthengisela abathengi bamanye amazwe.

Ukuze ufumane ezinye iinkcukacha, tyelela iwebsite yeWesgro.

iCape Regional Chamber of Commerce and Industry

Le Chamber of Commerce inikezela ngoqeqesho ngamaxesha athile, qeqesho olo ludinga kwimiba equka:

Iimpepha Ezisetyenziswa Kwiitengiso Namazwe Amazwe
I-Incoterms & Nendlela Yokufaka Iindleko
Iindlela Zokwenza Iintlawulo
Iindlela Zokuzazisa Kumazwe Angaphandle

IMIYALELO:

Ukuze ufumane ezinye iinkcukacha ngeentsuku neendleko, qhagamshelana: no-Edith Jacobs
Kule nombolo yomnxeba: 021 402 4300
edith@capechamber.co.za

IBONELELWA LISEBE:

ICANDELO LIKARHULUMENTE:
IXABISO:	Ixabiso linye kuphela elifunekayo yimali yokubhalisa engama- R400. Nangona kunjalo udingeka ukuba kwakhona uhlawule imali eli- R1000 eyidipozithi eya kuphinda ibuyiselwe kuwe wakuba uzigqibile izifundo zakho.

Umxholo okweli phepha wagqibela ukuhlaziywa nge- 2 uNovemba 2005

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe