AmaBanga ukusuka ku-R ukuya ku-9

INKCAZELO:

Kunyanzelekile ukuba isikolo siqalwe ekuqaleni konyaka xa umfundi lowo aza kuqala iminyaka esixhenxe de afikelele kwiBanga le-9 okanye kuloo nyaka umfundi aya kube efikelela kwiminyaka eli-15 ngawo (nokuba yiyiphi na eyenzeka kuqala). Eli nqanaba libizwa ngokuba linqanaba leMfundo noQeqesho ngokuBanzi kwaye livela ngokwezigaba ezithathu:

Isigaba esisiSiseko (IBanga R ukuya kwele- 3)
Isigaba esiPhakathi (AmaBanga 4 ukuya kwele-6)
Isigaba esiPhezulu (AmaBanga 7 ukuya kwele- 9).

ISIGABA ESISISISEKO

Esi sigaba sigxininisa ekufundiseni ukufunda nokubhala, ukubala ngamanani nezakhono zobomi. Abafundi abakwibanga le- 3 baqalisa ukufunda ulwimi olongezelelweyo.

Isigaba esiphakathi

Esi sigaba sigxininisa kwiinkqubo ezintlanu zokufunda:

ulwimi, ekuqeqesheleni ukukwazi ukufunda nokubhala, nonxibelelwano
ukuqonda nokwazi izibalo, izibalo kwanenzululwazi yezibalo
ubuchule bezandla nenkcubekeo
ufundo-nzulo ngezobomi noluntu, ezentlalo, nezifundo ngezendalo engqongileyo nezoLawulo
izifundo zenzululwazi nobugcisa.

ISIGABA ESIPHEZULU

Ngesi sigaba abafundi kufuneka bazibeth' entloko izifundo ezizezi:

ulwimi, ukuqeqeshelwa ukukwazi ukufunda nokubhala, nonxibelelwano
ukuqonda nokwazi izibalo, izibalo kwanobugcisa bezibalo
izifundo zobuchule bezandla nenkcubeko
ufundo-nzulu ngezobomi
izifundo ngezoluntu nezentlalo
izifundo ngezoQoqosho nezoLawulo
izifundo zenzululwazi
ubugcisa.

Abafundi abaliphumelele kakuhle iBanga le-9 bafumana isiqinisekiso soko ekuthiwa yi-GET, esiseseNqanaba lokuqala le-NQF.

IMIYALELO:

Ungaphanda ukuba ziziphi na izikolo zikarhulumente ezikwindawo ohlala kuyo ngokusebenzisa idilesi yekhompyutha kwicandelo lokufuna leSebe lezeMfundo eNtshona Koloni eliyi, 'Fumana iSikolo'.

Ingaba ibiza malini?

Imali ehlawulwa isikolo imiselwe yibhodi elawula isikolo, oko kusenziwa ngentsebenziswano nabazali. Abazali kufuneka behlawule imali yokufunda, oko kusenziwa ngokufaka isicelo sokuvunyelwa bangayihlawuli, okanye bangayihlawuli yonke xa bengenakho ukuyihlawula iphelele.

Iinkcukacha malunga neentlawulo zesikolo kwanokuvunyelwa ukuba ungazihlawuli ziyafumaneka ezikolweni. Ungafumana nezinye uzifunde kwikhompyutha.

IBONELELWA LISEBE:

ICANDELO LIKARHULUMENTE:	iSebe Lemfundo leNtshona Kapa (uRhulumente Wephondo leNtshona Kapa)

ICANDELO LIKARHULUMENTE:

iSebe Lemfundo leNtshona Kapa (uRhulumente Wephondo leNtshona Kapa)

Umxholo okweli phepha wagqibela ukuhlaziywa nge- 4 uFebruwari 2004

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe