Ithala Leencwadi Lezibonelelo ze-ATICC

INKCAZELO:

Ithala Leencwadi le-ATTIC livulelekile kulunt yaye liqulethe ulwazi kuzo zonke iinkalo ezinento yokwenza nentsholongwane kaGawulayo/uGawulayo/izifo ezingumvuka wokwabelana ngesondo nesifo sephepha. Eli thala leencwadi ke liqulethe uluhlu olugqibeleleyo lwemifanekiso bhanya-bhanya, amaphepha-ndaba aphuma ngamaxesha athile, imihlathi, iincwadi ezinikezela ngoqeqesho, iimpepha eziqulethe uphando, iingxelo, izintlu, amaphetshana aneenkcukacha ezithile, imihlathana esikwe kumaphepha-ndaba kwakunye neetshati. Eli ke lithala leencwadi ekuthunyelwa kulo abantu nelikwaziyo ukubolekisa ngemifanekiso bhanya-bhanya yalo eluthotho eluntwini.

Amacandelo eligqwesa kuwo eli thala leencwadi aquka la:

Ukunikezela ngeengcebiso nangoncedo
Ukudluliselwa kwentsholongwane kaGawulayo ngunina elusaneni
Unonophelo lwasekhayeni
Izifo ezingoozungez' ichele
Amachiza adodobalisa ulwamvila lwentsholongwane kaGawulayo
Ukjuphila nentsholongwane
Indawo yokusebenzela
Ifuthe ebantwaneni
Iinkalo ezithile zezonyango nezomthetho
Ifuthe loqoqosho
Ulawulo lwezinga lokosuleleka kwabantu
Ithala Leencwadi Lezibonelelo ze-ATICC

Ukufundisa ngobuni
Imiba yobuni
Imiba yenkcubeko
Umkhwa wokudlwengua nentsholongwane kaGawulayo
Iinkcukacha-manani zentsholongwane kaGawulayo/noGawulayo

La maphepha-ndaba anezi zihloko zilandelayo ayafumaneka:

AIDS
AIDS Action
AIDS Bulletin
AIDS Care
AIDS Treatment News
AJAR
Analysis Africa
BETA Network
HealthLink Bulletin
IAVI Report
NAM Bulletin
Perspective
SAFAIDS News
Sexual Health Exchange
Southern African Journal of HIV Medicine
WHR Review
WORLD: Women Organized to Respond to Life Threatening Diseases

Amaphepha athile angomba wentsholongwane kaGawulayo/uGawulayo/izifo ezingumvuka wokwabelana ngesondo nesifo sephepha angafumaneka kwiziko lokwamkela abantu leli thala.

IMIYALELO:

Amaxesha okuvula: ngoMvulo ukuya ngoLwesihlanu, ukusukela nge-07h30 - 16h00.
Iincwadi zingakotshwa okanye ke kwenziwe uphando kuzo kwakweli thala.
Ixesha lokubolekisa ngemiboniso bhanya-bhanya liba yiveki. Le miboniso bhanya-bhanya ke ingacelwa kwangaphambili ukuqnisekisa ukuba iyafumaneka.
Ukuze ukwazi ukwenza uphando olululo noluneziphumo ezibonakalayo, nceda uqhagamshelane nomsebenzi weli thala ngaphambi kokuba utyelele.

Ukuze ufumane ezinye iinkcukacha ke tsalela kule nombolo yomnxeba 021 763 5333.

IBONELELWA LISEBE:

ICANDELO LIKARHULUMENTE:	iZiko leNtshona Kapa Loqeqesho kuGawulayo, Kulwazi Neengcebiso (iATICC) (Isebe Lezempilo, uRhulumente Wephondo leNtshona Kapa)
IXABISO:	Ukungena kweli thala leencwadi kusimahla Iphepha ngalinye lekopi ekhutshiweyo: 20c.

Umxholo okweli phepha wagqibela ukuhlaziywa nge- 17 uMeyi 2006

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe