| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
INKCAZELO: |
Kwiingingqi zasemaphandleni, uninzi lwabantu alunamalungelo asemthethweni kwimihlaba yabo kodwa banalo ukhuseleko olusebenzayo lokusebenzisa umhlaba. Umzekelo, ilungelo lokusebenzisa umhlaba elinikezelwe ngokwemiqathango yemithetho kunye nezithethe zesizwe, isithethe, ukusetyenziswa okanye indlela yolawulo kwingingqi ethile okanye kuluntu okanye ngoncedo lokuhlala kumhlaba kaRhulumente kangangexesha elingaphantsi kweminyaka emihlanu. Ezi ndidi zamalungelo okusetyenziswa komhlaba zikhuseleke phantsi koMthetho woKhuseleko lwaMalungelo oMhlaba Ongamiselekanga njengoko iinkqubo zokubuyiselwa ngokutsha komhlaba kuqaliswa ngazo.Nangona kunjalo, abantu abangenalo ilungelo lokusebenzisa umhlaba ngokwasemthethweni abanakuze babe nalungelo lakufumana nkxaso-mali phantsi koLungiselelo lweNkxaso-mali yoLwakhiwo-zindlu ngoko ke inkxaso-mali eyodwa ithe yaphuhliswa. |
IMIYALELO: |
NGUBANI ONELUNGELO LOKWENZA ISICELO SENKXASO-MALI? Inkxaso-mali iyakuthi inikezelwe kuphela kubantu abanamalungelo angamiselekanga anokuthi angaphikiswa yaye abangafanelanga ukuba balahlekane naloo malungelo ngexesha kuqhutywa inkqubo yokubuyiselwa ngokutsha komhlaba. Ngaphezu koko umntu ngamnye kufuneka athobele yaye alungelelane neenqobo zokokuba angaselungelweni njengoko kuchaziwe kumhlathi-3.1.1 yeSikhokelo Ekulula Ukusisebenzisa UkusisebenzisaNgokwemiqathango yomhlaba ophantsi kolawulo loluntu, ukuba ngaba umntu unikwe inkxaso-mali yophuhliso lwamaphandle aze alahlekane namalungelo omhlaba wakhe, inkqubo sele iqulunqiwe apho umntu anganalo ilungelo lokufumana enye inkxaso-mali. Nangona le nkxaso-mali ibizwa njengenkxaso-mali yophuhliso emaphandleni ayiphelelanga ekusetyenzisweni kwiingingqi ezisemaphandleni kuphela, iyafumaneka kwiingingqi ezisezidolophini ngokunjalo. Olu didi lwenkxaso-mali luthatyathwa njengenkxaso-mali ekubhenelwa kuyo ekugqibeleni njengoko ibonwa njengemfuneko into yokokuba amalungelo akhuselekileyo okusebenzisa umhlaba athi anikezelwe kuzo zonke iimeko. Inkxaso-mali inakho ukufumaneka kwimeko apho kuza kwenziwa iprojekti, kodwa akukho nani lincinane okanye likhulu labathathi-nxaxheba elithi linyanzeliswe. IiBhodi zoPhuhliso zoLwakhiwo-zindlu zePhondo ziyavunyelwa ukuba ziqinisekise iiarhente zokuqalisa umsebenzi ukuba zichonge, zicwangcise ze ziqalise iiprojekti ngokwemiqathango yale nkxaso-mali. Inkxaso-mali evunyelweyo ihlawulwa kwii-arhente zemali ezichongwe yiBhodi yoPhuhliso loLwakhiwo-zindlu yePhondo ethi ilawule ukuhlawulwa kwezixa-mali. Inkxaso-mali yophuhliso emaphandleni inakho ukusetyenziselwa nayiphi na injongo enxulumene nolwakhiwo-zindlu evunyelwe yiBhodi yoPhuhliso yoLwakhiwo-zindlu yePhondo. |
|
ICANDELO LIKARHULUMENTE:
|
iCandelo Lolawulo Lwamaphulo Ezindlu (ISebe loRhulumente woMmandla nezeZindlu, uRhulumente Wephondo leNtshona Kapa) |
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |