Cape Gateway
English | Afrikaans | Malunga | Qhagamshelana | Uncedo | Funa nzulu  |
 
Umphandle > Izalathiso > Iinkonzo > Ubomi & Nosapho > Sebenza & Ufunde > IMvume Yokufunda, Eyokuphangela Nezinye Iintlobo Zemvume
IMvume Yokufunda, Eyokuphangela Nezinye Iintlobo Zemvume
INKCAZELO:
 Phambi kokuba ungene eMzantsi Afrika, kufuneka ube nencwadana yokundwendwela yexeshana). Kwizibuko lokungena, incwadana leyo iya kuthathwa ze wena unikwe iphepha-mvume lokuhlala kweli ixeshana elixela ukuba unokuhlala ixesha elingakanani yaye ngasiphi na isizathu. Kufuneka ufake izicelo ezixela izizathu zondwendwe lwakho, phambi kokuba uze kweli lizwe.

Kukho iintlobo-ntlobo zeemvume, ezixhomekeka kwizizathu ezibangela ukuba ufune ukuza kweli lizwe:

  • imvume yeendwendwe - yeyabantu
  • abandwendwela uMzantsi Afrika
  • imvume yezozakuzo - eyenzelwe oonozakuzaku
  • imvume yokufunda- yenzelwe abantu abafuna ukufunda eMzantsi Afrika
  • imvume yothetha-thethwano - iimvume zokuhlala okwethutyana ezenzelwe abantu ekufuneka bekweli ngenxa yesivumelwano samazwe ngamazwe
  • imvume yoshishino - eyenzelwe abantu abafuna ukurhweba okanye bathenge ishishini eMzantsi Afrika
  • imvume yabasebenzi benqanawa - eyenzelwe abasebenzi beenqanawa
  • imvume yokufumana unyango - imvume yeenyanga ezintathu yabantu abafuna unyango eMzantsi Afrika
  • imvume yezizalwane - eyenzelwe abantu abanezizalwane eziseMzantsi Afrika
  • imvume yomntu osethathe umhla-phantsi - eyenzelwe abantu abanengeniso eqingqiweyo yomhlala-phantsi kwilizwe labo lokuzalwa
  • imvume yotshintsho - eyenzelwe abantu abathatha inxaxheba kwiinkqubo zotshintshiselwano ngenkcubeko, ezoqoqosho kwakunye nezoluntu jikelele.

Awuvumelekanga ukuba ufunde ngemvume yokuphangela, okanye uphangele ngeyokufunda.

Awunakungena kweli lizwe de ufumane imvume encanyathiselwe kwincwadana yakho yokundwendwela, ngaphandle kokuba sele unayo imvume futhi ufuna ukuyitshintshela kwenye.

Izicelo zeemvume zilawulwa nguMthetho Wokufudukela Kweli ka-2002.

IIMVUME ZOKUPHANGELA

Kukho iintlobo-ntlobo zeemvume zokuphangela:

  • imvume yokuphangela ngokusebenza ngezabelo
  • imvume yokusebenza nawuphi na umsebenzi
  • imvume yabasebenzi abanobuchule obukhethekileyo
  • imvume yokutshintshelwa kwelinye isebe lenkampani oyisebenzelayo
  • imvume yokuphangela yequmrhu

Isebe eli liyazivumela izicelo zeemvume zokuphangela ezixhonywe ekubeni ukho na okanye hayi ummi weli onokufakwa kweso sithuba somsebenzi sikhoyo. Ukuba ukho, ambalwa amathuba okuba isicelo eso siphumelele.

Isebe eli sele lizivumela izicelo zeemvume zokuphangela kwabasebenzi abangundoqo (umzekelo igosa lolawulo eliyintloko) yeenkampani zamanye amazwe ezirhweba eMzantsi Afrika.

Umthetho Wokufudukela Kweli wazise ngendlela yeemvume zokusebenza ngezabelo.
IMIYALELO:
IIMVUME ZOKUPHANGELA
Kufuneka ufake iphetshana lesicelo uBI-159 kummeli wozakuzo womzantsi Afrika kwilizwe osoloko uhlala kulo okanye ilizwe onencwadana yalo yokundwendwela.

Ungasifaka isicelo nakwigqwetha okanye umthunywa waseMzantsi Afrika onamandla okukusebenzela njengegqwetha.

Isicelo sakho kufuneka sikhatshwe:

  • sisibonelelo esiluqilima somsebenzi
  • incwadi esuka kulowo uza kukuqesha exela usuku esi sithuba esivele ngalo, sasasazwa njani yaye kutheni kunyanzeleke ukuba kude kuqeshwe umntu ongengommi woMzantsi Afrika.

Intlawulo yesicelo semvume yokuphangela ngasinye imalunga ne-US$186 yaye njengesiqhelo ithatha iiveki ezisibhozo ukuya kwezilishumi elinesibini. Izicelo zabasebenzi abangundoqo zona zithatha malunga neeveki ezimbini.

Xa isicelo sakho sele sigqityiwe, impendulo ithunyelwa ngefeksi kubameli boMzantsi Afrika kwilizwe ofake isicelo ukulo.

IIMVUME ZOKUFUNDA

Kufuneka kuqala ufake isicelo sokwamkelwa njengomfundi kwiziko lemfundo ephakamileyo ofuna ukufunda kulo. Xa ufumana incwadi ethi usathathiwe, ungafaka isicelo semvume yokufunda.

Kufuneka uye kumzi wozakuzo woMzantsi Afrika ufake isicelo sale mvume. Kuya kufuneka ukuba ugcwalise iphetshana lesicelo u-B1-159. Oku kufuneka kukhatshwe:

  • Yintlawulo efunwayo.
  • YIncwadi engqina ukuba usathathiwe njengomfundi esuka kwiziko lemfundo ofuna ukufunda kulo.
  • Ziinkcukacha ngamalungiselelo endawo oza kuhlala kuyo.
  • Bubungqina bokuba ungazihlawula iindleko zemfundo nokuhlala kwakho ze nawe ube nako ukuzixhasa.
  • Bubukho bemali okanye itsheki eqinisekiswe yibhanki elingana netikiti lokugoduka.
  • Isifungo esibhaliweyo sokuba uya kubuyela kwilizwe ohlala kulo okanye lakokwenu xa uzigqibile izifundo zakho.
  • Ingxelo kagqirha wakho eqinisekisa ukuba usempilweni.

Ukuba isicelo sakho siyaphumelela, uya kunikwa isiqinisekiso sokundwendwela amaxesha amaninzi.

Sinokuthatha ukuya kwiiveki ezisibhozo ukuba siphunyezwe. Awunakho ukungena eMzantsi Afrika de ube uyinikiwe le mvume.
IFUMANEKA KWI:
 La mabakala amaziko:
IBONELELWA LISEBE:
ICANDELO LIKARHULUMENTE:
 Isebe Lemicimbi Yekhaya (The Government of South Africa)
This content also available in English | Hierdie inhoud is ook beskibaar in Afrikaans
YAYAMENE
Umxholo okweli phepha wagqibela ukuhlaziywa nge- 2 uEpreli 2004
Ingaba kukho nto ungayiqondiyo kwiintetho zaseburhulumenteni
| IMIBUZO? Sibuze nje wena: questions@capegateway.gov.za
South African National Government crest Provincial Government of the Western Cape logo I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe Western Cape: A Home For All logo