| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
INKCAZELO: |
ISebe Lemicimbi Yekhaya laphehlelela ngokusesikweni inkonzo yekhompyutha yokuqinisekiswa kobume bomtshato njengengxenyeyePhulo Lokuqinisekisa Ubume Bakho Bomtshato elaphehlelelwa ngokusesikweni ekuqaleni kwenyanga yeThupha. Le nkonzo ivulelwe ukunceda ekuthinteleni nasekuvezeni iimeko apho abemi boMzantsi Afrika batshatiswa bengazi kubemi bamanye amazwe. Amaqabane la asuka kumanye amazwe asebenzisa umtshato ukuze afumane amaphepha-mvume okuhlala nawokusebenza apha eMzantsi Afrika. Ngomhla weshumi elinesibhozo kwinyanga yeThupha ku-2004, eli Phulo belisele liveze imitshato yobuqhophololo engamakhulu amabini eMzantsi Afrika. Eli Sebe lithembise ukuwarhoxisa angasebenzi amaphepha-mvume okuhlala, awokusebenza kwanawokuba ngabemi abantu abazuze lutho kwimitshato yobuqhophololo. |
IMIYALELO: |
Ukuba ungummi woMzantsi Afrika, ungazikhangela ukuba utshatile okanye akutshatanga na ngokuthi utyelele iwebsite yeSebe Lemicimbi Yekhaya ze ufake nenombolo yencwadana yakho yesazisi. Usenakho kanti nokutyelela iofisi ekufutshane nawe yeSebe Lemicimbi Yekhaya ze uzikhangele okanye ke utsalele iSebe Lemicimbi Yekhaya kule nombolo ingahlawulelwayo: 0800 10 1994 ngamaxesha okusebenza (oko ke kukuthi ukusukela ngomkhono emva kwentsimbi yesixhenxe ekuseni kuye kuma ngomkhono phambi kweyesine malanga). |
IFUMANEKA KWI: |
La mabakala amaziko: |
|
ICANDELO LIKARHULUMENTE:
|
Isebe Lemicimbi Yekhaya (The Government of South Africa) |
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |