Ungabhalisa nokuba umtsha kweli shishini okanye imvume yakho yokusebenza kwakho sele iphelelwe lixesha.

Phambi kokuba ube nokubhalisa, kufuneka ugqibe uqeqesho lwabakhokeli babakhenkethi, ngokuthi ulufumane kumbutho owaziwayo nothenjiweyo.

• Inqanaba 1: Uqeqesho
• Inqanaba 2: Ukubhaliswa
• Inqanaba 3: Ukuzithengisa
• Izikhalazo

UQEQESHO

Fumana uqeqesho lwabakhokeli babakhenkethi kuye namphi na umqeqshi owaziwayo nothenjiweyo. Uluhlu olupheleleyo Lwabaqeqeshi Nabavavanyi lungafumaneka kwiwebsite yeTHETA www.theta.org.za (Kwezokhenketho, Kwezononophelo Nokonga, Kwizifundo Zezemidlalo kwakunye nanjengoMqeqeshi) okanye ke ungabuza nakwi-Ofisi Yokubhaliswa Kwabakhokeli Babakhenkethi.

UKUBHALISWA

Emva kokuqukunjelwa koqeqesho, kufuneka ubhalise kwiOfisi Yokubhaliswa Kwabakhokeli Babakhenketh ekwiSebe Lophuhliso Loqoqosho apho uya kunikwa inombolo yakho njengomkhokeli wabakhenkethi (yalapha eNtshona Koloni), ibheji yomkhokeli wabakhenkethi kwakunye nekhadi lokuzazisa.

Ukuze ube nokubhalisa kufuneka unikezele ezi nkcukacha zilandelayo:

• Iphepha lokufaka isicelo sokubhaliswa eligcwalisiweyo nelityikityiweyo, elikhankanya uhlobo loku kubhaliswa.
• Iphetshana Elingendlela Yokuziphatha Kwabakhokeli Babakhenkethi.
• Ikopi Eqinisekisiweyo Engqina Uvavanyo olwenziwe ngumbutho ongqinwayo yiTHETA okanye ke namphi na Umqeqeshi
• Ikopi eqinisekisiweyo yePhepha Elisisiqinisekiso Soqeqesho esuka kuMqeqeshi/uMvavanyi othenjiweyo nowaziwayo yiTHETHA.
• Ikopi eqinisekisiweyo yesiqinisekiso seTHETA (esi ke uya kusinikwa yiTHETA).
• Ikopi eqinisekisiweyo yencwadana yakho yesazisi yalapha eMzantsi Afrika okanye ke incwadana yokundwendwela amanye amazwe okanye iPhepha-mvume Lokuba Ngumhlali Osisigxina okanye iPhepha-mvume Lokusebenza kweli lizwe.
• Iikopi eziqinisekisiweyo zazo naziphi na iimpepha zokuba ngumkhokeli wabakhenkethi kwakho okanye ke ezazo naziphi na izifundo onazo.
• Isiqinisekiso Esifungelweyo Soqeqesho Loncedo Lokuqala.
• Isiqinisekiso esifungelweyo sazo zonke iilwimi ezingezo zeli lizwe ozaziyo neziza kusetyenziswa ekukhokeleni abakhenkethi.
• Imifanekiso yakho emine elingana naleyo yencwadana yokundwendwela amanye amazwe (bhala igama lakho kumva womfanekiso ngamnye).
• Kuya kufuneka nentlawulo yama-R240.00 kumntu ngamnye (zonke iitsheki kufuneka zihlawulwe kwiSebe Lophuhliso Loqoqosho).

I-Ofisi kaSozimali:
Kumgangatho Osezantsi, Kwisakhiwo iNBS Waldorf,
Kwa-80 eSt Georges Mall, eKapa.
Sivula ngeMivulo ukuya ngooLwezihlanu ukususela ngentsimbi ye-08:00 ukuya kweye-15:00 (sivalile ukusukela nge-12:30 ukuya nge-13:30 ntsuku zonke).

UKUZITHENGISA

Xa sele uqeqeshiwe, wavavanywa ze wabhalisa, kuya kufuneka uzithengise njengommkhokeli wabakhenkethi obhalisiweyo ngokuthi uqhagamshelane neenkampani ezithutha abakhenkethi ukuze zikuqeshe.

IINKCUKACHA ZOQHAGAMSHELWANO

uNoxolo Ntenetya (onguMbhexeshi Obambeleyo: weCandelo Labakhokeli Babakhenkethi)
kwi-Ofisi Yokubhaliswa Kwabakhenkethi Babakhenkethi
eGround Floor, eSt. George's Mall
kwa-80 Kwisakhiwo iWaldorf, eKapa
Inombolo Yomnxeba: 021 483 8734
Inombolo Yefeksi: 021 483 2957
registrar@pgwc.gov.za

Imibuzo enento yokwenza namakhadi okuzazisa okanye iibheji mayithunyelwe

u-Anne Pedrito
eGround Floor, eSt. George's Mall
kwa-80 Kwisakhiwo iWaldorf, eKapa
Inombolo Yomnxeba: 021 483 3012
Inombolo Yefeksi: 021 483 2957
apedrito@pgwc.gov.za

Imibuzo enento yokwenza nenkqubo yokuphinda kubhaliswe kwanezaziso zokutshintshwa kweedilesi okanye iinkcukacha zoqhagamshelwano, thetha

noLinah Maqashu
Ground Floor, St. George's Mall
80 Waldorf Building, Cape Town
Inombolo Yomnxeba: 021 483 2960
Inombolo Yefeksi: 021 483 8754
lmaqashu@pgwc.gov.za

Imibuzo okanye izimvo ezinento yokwenza nephepha-ndaba lethu, ncokola

noFerhaana Allie
eGround Floor, eSt. George's Mall
kwa-80 Kwisakhiwo iWaldorf, eKapa
Inombolo Yomnxeba: 021 483 9130
Inombolo Yefeksi: 021 483 2957
faallie@pgwc.gov.za