• Imiqathango yokungena uMzantsi Afrika
• Ngubani ekufuneka efake isicelo sephetshana londwendwela okwexeshana?
• Ungasifaka phi isicelo sephetshana lokundwendwela okwexeshana?
• Ukugaleleka eMzantsi Afrika
• Sifakwa njani isicelo sephetshana lokundwendwela lexeshana?
• Iinkcukacha zoqhagamshelwano

Phambi kokuba uvunyelwe ungene eMzantsi Afrika, kufuneka ube:

• nencwadana yokundwendwela esebenzayo neyamkelekayo/iphetshana lokundwendwela elikuvumela ukuba uhlale kwelo lizwe ixesha ofuna ukulihlala
• iphepha-mvume lexeshana elisebenzayo, ukuba liyafunwa
• imali eyaneleyo
• itikiti lokubuya / lokuhamba
• isiqinisekiso sokugonyelwa icesina emthubi ukuba uhamba kwingingqi egqugqiswa yicesina emthubi okanye kuMzantsi Melika.

Abantu abangenazo iincwadana zokundwendwela zaseMzantsi Afrika kufuneka bafake izicelo zamaphepha-mvume okundwendwela exeshana. Oku kuquka abantu abafuna ukuza eMzantsi Afrika ukuza kutya ikhefu okanye abazele ushishino.

Kusenjalo abatyeleli abaneencwadana zokundwendwela zaseUnited Kingdom yeGreat Britain nezakuMntla Ireland (kuquka iZiqithi zeBrithani iBailiwick yeGuernsey kunye neJersey, iSiqithi saseMann neZithi zeVirgin, iRiphabhliki yase-Ireland kwakunye namaThanga aPhesheya KweeLwandle aseBrithani) abekho phantsi kolawulo lwamaphepha-mvume okundwendwela oMzantsi Afrika yaye abawadingi nangasiphi na isizathu.

Okunye, iindwendwe ezisuka kumazwe athile nazo aziwadingi amaphepha-mvume phantsi kwemiqathango ethile.

Kufuneka uququzelele iphetshana elivumela ukundwendwela lexeshana phambi kokuba ufike eMzantsi Afrika. Awunako ukufaka isicelo sokungena ixeshana xa sele ukumazibuko okungena eMzantsi Afrika.

Ukuba kukho ummeli wozakuzo okanye wabameli-lizwe kwilizwe lakho, kufuneka ufake isicelo sakho semvume yexeshana yokundwendwela apho.

Ukuba akukho nozakuzaku okanye mmeli woMzantsi Afrika kwilizwe lakho, ungasithumela isicelo sakho ku:
Mlawuli-Jikelele: WeMicimbi YeKhaya
Private Bag X152, Pretoria, 0001, South Africa

Khumbula ukuba awunakukwazi ukufaka isicelo sokundwendwela xa sele ungenile eMzantsi Afrika.

Ukungena kwakho kwizibuko lokungena eMzantsi Afrika, umzekelo, KwiSikhululo SeeNqwelo-moya Samazwe ngamazwe saseRhawutini, uya kunikwa imvume yendawo yokuhlala yexeshana, eyakube ithatha indawo yephepha-mvume lokundwendwela lexeshana futhi ibeke nexesha oza kulihlala kweli lizwe.

• ungenise iphepha lesicelo
• ubonise incwadana yokundwendwela (okanye unikezele amaphepha anestampu esiqinisekisa ukuba usithumele isicelo sakho)
• unikezele ngemifanekiso yakho emibini yencwadana yokundwendwela
• uhlawule intlawulo eyi-R425.00 okanye I-US$47 okanye I- €43 yephepha-mvume lokundwendwela lexeshana, ukuba iyafuneka, khangela kuluhlu lwamazwe amelwe kukuhlawula iintlawulo zamaphepha-mvume okundwendwela exeshana
• ubonise ukuba sele ulihlawulele itikiti lokundiza.

Ukuba sifakiwe isicelo sephepha-mvume lokundwendela okwexeshana ngezoshishino, kusafuneka ubonise incwadi yesimemo esuka kulo nkampani yaseMzantsi Afrika uze kuyindwendwela, kwakunye nencwadi esuka kwinkampani oyisebenzelayo.