IZicelo zeNombolo Yokuthengisa iiMoto

INKCAZELO:

Abavelisi/abayili, abakhi nabo bazisa izithuthi kweli lizwe bangaziqhuba iimoto ezingabhaliswanga beziqhuba ngenombolo yokuthengisa izithuthi. Oku kuvumeleke kuphela:

kubathuthi beemoto ukuba bazise iimoto
umthengisi-moto xa ezizisa, ezithengisa, etshintshisa okanye elungisa isithuthi eso
umenzi-moto xa ezise isithuthi okanye ezivavanya
umzisi-moto welinye ilizwe ozise iimoto.

Umenzi-zimoto kufuneka enze isicelo sokufumana inombolo yokuthengisa isithuthi ze afune isiqinisekiso senombolo yokuthengisa izithuthi.

IMIYALELO:

Ukwenza isicelo sokufumana inombolo yokuthengisa izithuthi, kufuneka ufakeiphetshana lesicelo elingu- MTN 1 ehamba ne-:

nencwadana yakho yesazisi
Imali engummiselo ekhutshwayo
Nayiphi na imali esisohlwayo kwanosemva ngayo xa imali leyo ifike kade.

Kwisicelo sakho, kufuneka ubonise ukuba zingaphi na iinombolo zorhwebo zesithuthi ozifunayo utsho nokuba uzifunela ntoni na.

Ukufumana ezinye iinkcukacha, dibana no-:
Cape Gateway
Inombolo yomnxeba: 0860 142 142

IBONELELWA LISEBE:

ICANDELO LIKARHULUMENTE:	ULwenziwo lweeNdlela (Ezothutho Nemisebenzi Yoluntu, uRhulumente Wephondo leNtshona Kapa)
IXABISO:	Imali engama-R 69.00 yokubhalisa Imali engama-R 681.00 yephepha-mvume lokuqhuba (izithuthi) Imali engama-R 138.00 yephepha-mvume lokuqhuba (isithuthuthu)

Umxholo okweli phepha wagqibela ukuhlaziywa nge- 10 uMeyi 2005

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe