Izifundo Ezifutshane Kwezolimo

INKCAZELO:

iSebe Lezolimo leNtshona Kapa linikezela ngothotho lwezifundo ezifutshane unyaka lo: Amacandelo anikezelwayo kwezi zifundo aquka:

ukulima nokufuya ngendlela ephangaleleyo
ukuveliswa kwemifuno neziqhamo
izifundo ngokulinywa kwemidiliya
ukufuya nokushishina ngezilwanyana
izifundo zobunjineli kwezolimo, ulawulo kwanoqoqosho lwezolimo
inzululwazi ngomntu nangoluntu jikelele

Incwadi yabo equlethe iinkcukacha ngezifundo inikezela ngoluhlu olugcweleyo lwezifundo ezifutshane ezinikezelwa apha kwakunye nesikhokelo samaxesha ezi zifundo zenyanga.

IMIYALELO:

Ezi zifundo ke zinikezelwa kuphela ukuba inani eliqingqiweyo labafundi lithe lafaka izicelo zokwamkelwa kwezi zifundo, ngokwesiqhelo eli nani liba sisibhozo ubuncinci ze ubukhulu libe ngamashumi amabini anesihlanu abafundi. Izifundo zinganikezelwa nakwenye indawo engesiso esi sikolo sase-Elsenburg ukuba izixhobo nezinye nje iimfuno ezifanelekileyo zikho. Kuye kubekho ke namanye amathuba oqeqesho emva kweli kwiifama okanye ke angenziwa amalungiselelo okuya kwezinye iindawo ngentlawulo ethile.

Izixhobo zokufunda zifumaneka ngesiNgesi nesiBhulu, okanye ke ngolwimi oluthandwe nguloo mfundi uza kube ethabatha inxaxheba. Abafaki-zicelo abangathanda ukuzifumana ngolunye ulwimi ezi zifundo kuya kufuneka benze amalungiselelo okufumana umguquleli.

Ezi zifundo ke zihambelana nemigangatho eqinisekiswe yavunywa yi-SAQA yelo candelo yaye abathabathi -nxaxheba bangavavanywa (okanye bafumane iimviwo) ngokomgangatho osetyenziswayo yokuvavanya. Aba bafundi bathabatha inxaxheba ke bayazithandela ukuba bavavanywe na okanye bangavavanywa. Abafundi abangavavanywayo, okanye abathi bangaluphumeleli uvavanyo, bathi bafumane Isiqinisekiso Sokuzimasa, ngelixa abo bathe baluphumelela uvavanyo bona bethiwa jize ngeZiqinisekiso Zokugqwesa bakusiqukumbela isifundo ngasinye. Aba ke bona bakwafumana namanqaku emigangatho yeli candelo enikezelwa zezi zifundo.

Indlela yokubhalisela ezi zifundo
Abafundi abathabatha inxaxheba kwezi zifundo kuya kufuneka bagcwalise iphetshana lokubhalisa. Eli phetshana ligcwalisiweyo ke lingathunyelwa kwelona ziko loqeqesho likufutshane okanye ke ithunyelwe ngefeksi, nge-email okanye ngeposi kule dilesi:

u-Olivia Bosch
kwiZiko Loqeqesho lase-Elsenburg
PO Box 54, e-Elsenburg, 7607
Inombolo Yefeksi: 021 808 7652
I-email: oliviab@elsenburg.com

Ubhaliso lwezi zifundo luvala kwiiveki ezimbini ngaphambi kokuqaliswa kwezifundo ezo. Abathabathi-nxaxheba bangazihlawula iintlawulo ezifunekayo ngqo kwi-akhawunti yebhanki yeli okanye ke kweli ziko loqeqesho ngethuba lokubhalisa. Ikopi yesiqinisekiso sentlawulo kufuneka ithunyelwe ngefeksi kule nombolo:

u-Olivia Bosch
Inombolo Yefeksi: 021 808 7652

Iziqinisekiso zabantu ababhalisileyo kwezi zifundo zithunyelwa kubathabathi-nxaxheba emva kokuba ifunyenwe intlawulo. Abathabathi-nxaxheba badinga iincwadana zabo zezazisi ngethuba lokubhalisa.

Iintlawulo zezi Zifundo
Ijntlawulo ke ziyahluka, kuxhomekeka ekubeni zinikezelwa phi na.

ngama-R50 umntu ngamnye ngosuku (xa uqeqesho lunikezelwa kude kuneziko loqeqesho)
ngama-R70 umntu ngosuku xa uqeqesho lunikezelwa kwiziko loqeqesho)
li-R120 umntu ngosuku (kwiziko loqeqesho, kwabo baza kulala batye kwalapho)

Ezi ntlawulo ke ziquka iVAT yaye akukho zimbuyekezo ziya kunikezelwa kubantu abathi barhoxe kwisithuba seveki ngaphambi kosuku lokuqaliswa kwezi zifundo. Izixhobo Zokufunda ziyanikezelwa ke nazo.

Iinkcukacha Zeentlawulo
Iintlawulo zemali yaso nasiphi na isifundo esonikezelwa nakweliphi na iziko loqeqesho zingafakwa ngqo kwi-akhawunti yebhanki yeSebe Lezolimo, eyile:

iSebe Lezolimo
iBhanki iABSA
Inombolo ye-Akhawunti: 405 491 0586
Ikhowudi Yesebe: 638909

Isiqinisekiso sentlawulo kufuneka sibonise oku kulandelayo:

Ikhowudi yentlawulo, eyile: 81 FET Elsenburg College
Igama Lesifundo eso
Usuku Lokunikezelwa kwesifundo eso

Iziqinisekiso zentlawulo kufuneka zithunyelwe ngefeksi kule nombolo:
u-Olivia Bosch
Inombolo Yefeksi: 021 808 7652

Ngemibuzo ephangaleleyo nangokubhalisela izifundo, qhagamshelana:

ne-Elsenburg
kwiZIko Loqeqesho lase-Elsenburg
ku-Olivia Bosch
PO Box 54, e-Elsenburg, 7607
Inombolo Yomnxeba: 021 808 7708
Inombolo Yefeksi: 021 808 7652
I-email: oliviab@elsenburg.com

eGeorge
kwiZiko Loqeqesho lase-Outeniqua
kuKeith Langeveld
PO Box 249, eGeorge, 6530
Inombolo Yomnxeba: 044 803 3700
Inombolo Yefeksi: 044 874 7730
Inombolo Yomnxeba Wesinqe: 082 901 1730

e-Oudtshoorn
kwiZiko Loqeqesho laseKlein Karoo
kuKlaas Eland
PO Box 313, e-Oudtshoorn, 6620
Inombolo Yomnxeba: 044 272 6077
Inombolo Yefeksi: 044 272 3141
Inombolo Yomnxeba Wesinqe: 082 909 3959

eClanwilliam
kwiZiko Loqeqesho lase-Augsburg
kuPetula Damon
Inombolo Yomnxeba: 027 482 1362
Inombolo Yefeksi: 027 482 1362
Inombolo Yomnxeba Wesinqe: 082 885 5871

Xa unemibuzo ngezifundo ezithile, qhagamshelana nala macandelo alandelayo:

iCandelo Leemveliso Zemifuno
kuHenry Cook
Inombolo Yomnxeba: 021 808 5486
Inombolo Yomnxeba Wesinqe: 083 909 3958

iCandelo Lezifundo Zemveliso Yemidiliya Nomnquma
kuFrancois Marais
Inombolo Yomnxeba 021 808 5482
Inombolo Yomnxeba Wesinqe: 083 649 6945

iCandelo Leemveliso Zeziqhamo
kuRelene Olivier
Inombolo Yomnxeba: 021 808 7668
Inombolo Yomnxeba Wesinqe: 083 642 0609

iCandelo Animal Husbandry
kuDavid Barnard
Inombolo Yomnxeba: 021 808 5252
Inombolo Yomnxeba Wesinqe: 083 641 5162

Ubunjineli Kwezolimo
kuWilhelm Kenny
Inombolo Yomnxeba: 021 808 7667
Inombolo Yomnxeba Wesinqe: 083 642 0607

iNzululwazi Yezoluntu
kuJackie Beerwinkel
Inombolo Yomnxeba: 021 808 5452
Inombolo Yomnxeba Wesinqe: 082 808 0989

Izifundo Zoqoqosho Kwezolimo / Nolawulo Lwezolimo zona ziya kunikezelwa ekuhambeni konyaka kwalapha ku-2006.

IBONELELWA LISEBE:

ICANDELO LIKARHULUMENTE:	Isebe Lezolimo (The Government of South Africa)

ICANDELO LIKARHULUMENTE:

Isebe Lezolimo (The Government of South Africa)

Umxholo okweli phepha wagqibela ukuhlaziywa nge- 18 uEpreli 2006

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe