| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
Uqeqesho: Kwezothutho neMisebenzi yoLuntu
INKCAZELO: |
Abafundi bafumana amava oqeqesho ngeli xesha besafunda kwiSebe LeZothutho neMisebenzi yoLuntu, oko kusenziwa ngokwenkqubo yoqeqesho. Abaqeqeshwa aba baye bafakwe kwiinkalo ezithile zokuqeqeshwa befunda, baze bahlawulwe ngomsebenzi abawenzileyo. Umqeqeshwa ngamnye uye angene kwisivumelwano kunye neSebe eli. Ngo-2003 iPeninsula Technikon yalijiza ngelona bhaso liphezulu eli Sebe kwisigaba sabaqeshi abakhulu, kwiinkampani ezongama-600 ezizimeleyo kwanezikaRhulumentente, ngenxa yendima eliyidlalayo yokunika abafundi uqeqesho olululo nolubaxhobisa ngamava. |
IMIYALELO: |
Ukufaka isicelo sokuqeqeshwa ufunda, kufuneka ube ubhaliswe kwiziko lemfundo ephakamileyo kungoku nje. Ungadibana ne-Ofisi yeMicimbi yaBafundi yeSebe leZothutho neMisebenzi yoLuntu, oko ukwenza ngokudlula kumagosa emfundo akwidyunivesithi okanye kwiteknikon okuyo. Kufuneka uthumele inceadi yembalelwano engqinisisa ukuba ubhalisiwe ngenene kuloo nkalo yemfundo uyikhankanyileyo kunye neCV yakho. Ukuba kukho imfuneko yokuba umfundi lowo wenza izifundo ezizodwa kwinkalo ethile yezemfundo, iSetyana elo lichaphazelekayo kufuneka lenze, futhi liqhube udliwano-ndlebe olufutshane nomfaki-sicelo ze limthathe umqeqeshwa lowo. Umbeki-liso uye adityaniswe nomqeqeshwa ngamnye ukuze abancede aze akhangele indlela abayiqhuba ngayo imisebenzi yabo yeesivumelwano esibophelelayo. Ukufumana ezinye iinkcukacha dibana noJacques van Eeden okanye uJuanita Isaacs.Inombolo yomnxeba: 021 483 4203 Inombolo yefeksi: 021 483 2019 javeeden@pgwc.gov.za jsisaacs@pgwc.gov.za |
IBONELELWA LISEBE:
|
ICANDELO LIKARHULUMENTE:
|
Imicimbi Yamaqumrhu (Ezothutho Nemisebenzi Yoluntu, uRhulumente Wephondo leNtshona Kapa) |
Umxholo okweli phepha wagqibela ukuhlaziywa nge- 23 uFebruwari 2004
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |