• iingcali kwezezitiya nemiyezo nokukhuliswa kwezityalo ngezichumisi emanzini okanye entlabathini nakuhlalutye
• izazinzulu kwezokutya/iingcali zobugcisa
• uphendlo lwezifo zezityalo
• izazinzulu kwinkalo yonyango lwezilwanyana.

Eli Sebe likwakhuphela abantu abenza izifundo kwinkalo yezolimo uncedo-mali lokufunda:

• kwizifundo emva kokuphumelela izidanga
• izifundo kwizidanga zokuqala
• izifundo bengaphakathi kwizikolo zamabanga aphakamileyo.

• Iintlobo zezifundo kwezolimo
• iDiploma Kwezolimo
• iDiploma Kwezolimo: Kubugcisa Bokwenza Iifatyi Zokugcina Iwayini Esamfaxangwayo
• Isidanga Sokuqala Kwezolimo
• Izifundo Zenqanaba leeMasters Kubafundi Abasebatsha

Uqeqesho kwezolimo nakwamanye amacandelo ezifundo asondeleyo, ngokwezifundo ezimfutshane neenkqubo zokufundela kwindawo yempangelo, ziyanikezelwa kwiKholeji Yezolimo iElsenburg.

Ezi zifundo zijoliswe ikakhulu kumafama amatsha, asakhulayo, nawayesakuhleleleka, kwakunye nabasebenzi basezifama.

Izifundo zinokwahluka ngobude bamaxesha anokuzithabatha, zisuka kusuku ziye kuma kwishumi elinesithathu leentsuku futhi ziquka imiba:

• ngehagu, inyama yenkomo, inyama yeenkukhu kwakunye neemveliso zobisi
• ukusasazwa nokubhengezwa kwezolimo
• ulawulo lwezolimo nezimali
• ukuveliswa kwemifuno
• inzululwazi esisiseko yezomhlaba kwakunye nokutya kwezityalo
• ukugcinwa nokulungiswa kweeteletele

Abantu abazimasa izifundoezipheleleyo bafumana iSiqinisekiso Sokuzimasa.

Abantu abafuna ukuvavanywa (ngokweemviwo) kufuneka batsho xa kuqinisekiswa ukungena kwizifundo ezi. Ukuba kuthe kwafunyaniswa ukuba umfundi othile ubonakalisa ulwazi nesakhono esingummangaliso kwezi mviwo, umfundi lowo uya kuthi athiwe jize ngeSiqinisekiso Sokugqiba ezi zifundo endaweni yeSiqinisekiso Sokuzimasa.

Izifundo ziya kunikezelwa kuphela ukuba inani elifunekayo labafundi lithe lafaka izicelo zokuzimasa, ngokwesiqhelo ke eli nani lidla ngokuba sisibhozo sabafundi ubuncinci ze ubuninzi ibe ngamashumi amabini anesihlanu abafundi abafunekayo.

Zonke izifundo zisenakho ukunikezelwa kude neKholeji Yezolimo yase-Elsenburg, kodwa ke zibe kanti zonke izixhobo namaziko okuqeqesha akho kuloo ndawo intsha.

Amatyeli oqeqesho olulandela olokuqala nawongezelelweyo kwiifama nakwiziza angenzelwa amalungiselelo ngokuthi kuhlawulwe isixa esithile.

Abafundi abazimasa ezi zifundo kufuneka babe neencwadana zabo zezazisi.

Ukuze ufumane ezinye iinkcukacha, qhagamshelana:
noJackie Beerwinkel kwiKholeji yase-Elsenburg
Kule nombolo yomnxeba: 021 808 5452
Inombolo Yefeksi: 021 884 4319
jackieb@elsenburg.com

Ukuze ufumane olona luhlu lwezifundo ezenziwe ngoku kwanamxesha ezifundo, tyelela iwebsite yase-Elsenberg.

Iintlawulo

Izifundo zase-Elsenburg zibiza amashumi asibhozo anesihlanu eerandi kumntu ngamnye ngosuku, kuquka nesidlo sasemini. Indawo yokuhlala e-Elsenberg (ukuba ikho) ibiza amanye amashumi amathathu anesihlanu eerandi ngosuku kumntu ngamnye futhi oko kuquka isidlo sakusasa nesangokuhlwa. Izifundo ezifumaneka nakwiingingqi ezisemaphandleni (ezo zingabanjelwa e-Elsenberg) zibiza amashumi amahlanu eerandi ngosuku kumntu ngamnye.

IDIPLOMA KWEZOLIMO

Ezi zifundo zenzelwe umntu oqeshwe kwishishini lezolimo nonomdla ekwandiseni izifudo zakhe kwisifundo aza kuthi abe yingcali kuso. Le yinkqubo yokufunda ukuloo ndawo ukuyo enikezelwa kwinkqubo yokwenza uphando lwezolimo ngentsebenziswano nomncedisi nomcebisi kwishishini lezolimo.

Inkqubo yeDiploma ibandakanya izifundo ezingundoqo nekufuneka zikho kuyo neso umntu aza kuzikhethela sona ze asijonge njengeso aza kuba yingcali yaso.

Izifundo ezisisinyanzeliso ukuze umntu abe yingcali yazo nazi:

• iResource Management III
• iAgri Management III.

Abafundi bangazikhethela naziphi na kwizifundo abazithandileyo zenqanaba lokuqala njengezifundo abaza kuzithatha njengabaqhubekeka nazo, okanye ke bakhethe kwezo zoshishino kwezolimo zikhoyo, kuquka:

• iAgronomy / Pasture Science III
• iAgri Management III
• iExtension and Sales Management III
• iVegetable Cultivation III
• iLarge Stock Production III
• iSheep and Wool Production III
• iPomology III
• iViticulture III.

Izinto Ezifunwayo Ukuze Ube Nokwamkelwa

Ubuncinci eyona nto ifunwayo kumfundi ukuze abe nokwamkelwa kwezi zifundo siSiqinisekiso Sezifundo Zolimo kwiNqanaba Eliphezulu okanye ke ezilingana nazo.

Ukuze ufumane iinkcukacha ezithe vetshe, qhagamshelana:
noStephan van der Merwe
kule nombolo Yomnxeba: 021 808 5491
stephanvdm@elsenburg.com

okanye ke

IKholeji yase-Elsenburg
PO Box 54, e-Elsenburg, 7607
Kule nombolo Yomnxeba: 021 808 5450/1
judig@elsenburg.com

Amaphetshana okufaka izicelo ayafumaneka kwiwebsite ye-Elsenburg.

Usuku lokuvalwa kwezicelo ngumhla wamashumi amathathu ananye kwinyanga yeDwarha.

Iintlawulo

Iintlawulo zezifundo: ngamawaka amahlanu eerandi
Iintlawulo zokuqhubekeka: liwaka leerandi
Iintlawulo zokufunda kwinqanaba ngalinye: ngamakhulu alithoba namashumi amahlanu eerandi.

IDIPLOMA KWEZOLIMO: KUBUGCISA BOKWENZA IIFATYI ZOKUGCINA IWAYINI ESAMFAXANGWAYO

Le nkqubo yokwenza izifundo zobungcali kwezolimo ijoliswe kubenzi bewayini kwakunye nabo banomdla ekungeneni kwizifundo nemisebenzi esondeleyo kwishishini lewayini.

Le nkqubo yezifundo inikezelwa kwindawo Yokuqeqeshela ukwenza iwayini yase-Elsenburg, apho abafundi bafumana khona izifundo ngeencwadi kwanoqeqesho apho abafundi bangena kanye ekwenzeni iwayini ngezandla zabo kwanezinye izakhono zokulawula amashishini enza iwayini.

Izifundo ekunyanzeleke ukuba umfundi azenze zezi:

• iOenology Theory III
• iOenology Practical III
• iWine Legislation III
• iWine Chemistry Theory III
• iWine Chemistry Practical III
• iWine Marketing III
• iWine Microbiology Theory III
• neWine Microbiology Practical III.

Izinto Ezifunwayo Ukuze Ube Nokwamkelwa

Abafundi abangathanda ukufaka izicelo zokwamkelwa kwiDiploma Engobugcisa Bokwenza Iifatyi Zokugcina Iwayini Esamfaxangwayo kufuneka babe baphumelela naziphi na ezimbini kwezi zifundo zilandelayo kwiNqanaba leSiqinisekiso Senqanaba Eliphezulu:

• Izibalo
• iBiology
• iPhysical Science.

Abafaki-zicelo kukwafuneka ukuba babe bagqiba ngempumelelo inkqubo yeSiqinisekiso Esikwinqanaba Eliphezulu Kwezolimo, babe babekhethe iViticulture neNzululwazi yeWayini, okanye ke mhlawumbi babe baphumlela izifundo ezikwinqanaba elilinganayo neli.

Ngeenkcukacha ezizezinye, hlangana

noStephan van der Merwe
kule nombolo yomnxeba: 021 808 5491
stephanvdm@elsenburg.com

okanye ke

kwiKholeji yase-Elsenburg
PO Box 54, e-Elsenburg, 7607
Inombolo Yomnxeba: 021 808 5450/1
judig@elsenburg.com

Amaphethana okufaka izicelo ayafumaneka kwiwebsite ye-Elsenburg.

Iintsuku Zokuvalwa

• ngumhla wamashumi amathathu ananye kwinyanga yeDwarha (kubafundi abasezifundweni sithetha nje)
• ngumhla wamashumi amathathu ananye kwinyanga yeKhala (kubafundi abatsha).

Iintlawulo

Iintlawulo Zezifundo - lishumi lamawaka namakhulu asibhozo eerandi

ISIDANGA SOKUQALA KWEZOLIMO

Ezi zifundo zithabatha iminyaka emithathu bekufuneka ziqale ngo-2004 ngokuthi ziqale zivunywe liBhunga Lemfundo Ephakamileyo futhi ziya kuthabatha indawo yeSiqinisekiso Senqanaba Eliphezulu Kwezolimo esasisa kubakho kweli candelo. Zijoliswe kumntu oceba ukulandela izifundo kwishishini elinento yokwenza nezolimo . Umfundi apha uxhotyiswa ngezakhono zokuvelisa, ezobugcisa nezolawulo ezidingekayo kumashishini anento yokwenza nezolimo.

Esi sidanga siya kuquka izifundo ezingundoqo nezisisinyanzelo, ezo umfundi anokuzikhetha nezo athanda kuye ukuba azenze ekufuneka ziqoshelisiwe.

Esi sidanga siza kwakhiwa ngendlela apho abafundi bangazokufunda ezolimo ezincwadini nje kuphela, koko baza kufumana nethuba lokusebenzisa izandla zabo belima, bemfaxanga futhi besenza yonke nje into eyenziwayo kweli shishini.

Iinkcukacha Zoqhagamshelwano

Ukuze ufumane ezinye iinkcukacha, qhagamshelana
noStephan van der Merwe
kule nombolo yomnxeba: 021 808 5491
stephanvdm@elsenburg.com

okanye

iKholeji yase-Elsenburg
PO Box 54, e-Elsenburg, 7607
Kule nombolo yomnxeba: 021 808 5450/1
judig@elsenburg.com

Amaphetshana okufaka izicelo ayafumaneka kwiwebsite ye-Elsenburg.

Usuku lokuvalwa kwezi zicelo ngumhla wamashumi amathathu ananye kwinyanga yeThupha.

Iintlawulo Zezifundo

Kunyaka Wokuqala: R5 890
Kunyaka Wesibini: R3 240 kunye nama-R360 ngesifundo ngasinye umntu asikhethayo
Kunyaka Wesithathu: R3 240 kunye nama-R360 ngesifundo ngasinye umntu asikhethayo

INKQUBO YOQEQESHO LWABANTU ABASEBATSHA KWIZIFUNDO ZOLIMO

le Nkqubo yeSidanga senqanaba leeMasters ithabatha iminyaka emithathu ijoliswe kwabo bantu babesakuhleleka nabafuna ukulandela izifundo ze basebenza kwicandelo Lezolimo.

• Yintoni iNkqubo Yabafundi Abasebatsha?
• Ukumila kwale nkqubo
• Ngubani oyakuqwalaselelwa ukungena kule nkqubo?
• Indlela yokufaka isicelo
• Iintlawulo

Yintoni iNkqubo Yabafundi Abasebatsha?

Ekupheleni kwale nkqubo, abathabathi-nxaxheba abaphumeleleyo baya:

• kube befumene amava alulutho ngophando.
• kube bafumeme iSidanga seeMaster"s kwezolimo.
• kube baxhotyiselwe ukulandela izifundo ezilulutho ebomini babo kwezolimo.
• kube benze igalelo kumthombo wolwazi kwezolimo.

Abona bathabathi-nxaxheba kule nkqubo yeYPP ngaba:

• iSebe Lezolimo laseNtshona Koloni
• Icandelo leNzululwazi Yezolimo kwiDyunivesithi yaseStellenbosch.

Ukumila kwale Nkqubo

Abathabathi-nxaxheba baya kubandakanyeka kwinkqubo ekumila kuthile nethabatha iminyaka emithathu, eqala kwisiqingatha sesibini senyanga yoMqungu.

Le nkqubo ingamabakala amabini. Elokuqala liquka uqeqesho olwenzelwa kwindawo yokusebenzela.

Ibakala lesibini liquka iphulo apho umfundi ngamnye azenzela uphando oluzimeleyo ngokwakhe. Njengoko ke ibakala lesibini lisenzeka ngentsebenziswano neSebe elifanelekileyo lenye yeedyunivesithi zeli phondo, abagqatswa abaziphumelelayo zonke iimvavanyo baya kuthweswa iSidanga seMaster"s bakugqiba.

Ngubani Oya Kuqwalaselelwa Ukwamkelwa Kule Nkqubo?

Ukuze ube nokuqwalaselwa ukuze wamkelwe kule nkqubo yeYPP, kufuneka ube:

• uyingxenye yabantu ababesakuhleleleka
• unomdla ekulandeleni izifundo kwezolimo
• ungummi woMzantsi Afrika
• unesidanga senqanaba lee-honour"s esifanelekileyo, okanye ke ube uyasigqibezela
• uyakwazi ukuyigqiba le nkqubo.

Nangona ingeyiyo enye yeemfuno, amalinge awodwa okubandakanya amanina kule nkqubo ayenziwa.

Indlela Yokufaka Isicelo

Imibuzo kufuneka ithunyelwe:
kuMishka Abrahams
kule nombolo yomnxeba: 021 808 5191

Izicelo kufuneka zithunyelwe:
ku: Nksz MJ Agenbag
uMlawuli: kwiSebe Lezibonelelo Zoluntu Neenkonzo Zenkxaso
kwiSebe Lezolimo: eNtshona Koloni
Private Bag X1
e-Elsenburg, 7607

Izicelo kufuneka ukuba zibe sele zifunyenwe ekuqaleni kwenyanga yeDwarha.

Iintlawulo

Abathabathi-nxaxheba kule nkqubo baya kufumana imivuzo encumisayo ngale minyaka mithathu bayichitha bezibandakanye nayo. Inkxaso-mali yokufunda ehlawula iindleko zokufunda kuloo dyunivesithi umfundi othile akuyo kweli phondo iyakufumaneka.

Le nkqubo ikwanikezela ngamaziko nezixhobo zophando kwakunye nenkxaso-mali elingene nefanele olo phando. Umgqatswa ngamnye unoxanduva lokumelana neendleko zendawo yokuhlala nokuphila kwakhe.