Cape Gateway
English | Afrikaans | Malunga | Qhagamshelana | Uncedo | Funa nzulu  |
 
Umphandle > Izalathiso > Iinkonzo > Ezolimo > Uncedo-mali & Nenkxaso > Ukufaka Isicelo Senkxaso-mali kule Nkqubo Yophuhliso Lwezixhobo Zolimo
Ukufaka Isicelo Senkxaso-mali kule Nkqubo Yophuhliso Lwezixhobo Zolimo
INKCAZELO:
 Le Nkqubo Yophuhliso Lwezixhobo Zolimo ke ijolise kuxhaseni amaqela, abantu kwakunye noluntu olukweli candelo lwezolimo oluhlala kwiingingqi ezazisakuhleleleka kwilixa elingaphambili.

Le nto ke ithetha ukuba iSebe Lezolimo: kwiNtshona Kapa linikezela ngenkxaso yezimali ukuze kufumaneke izixhobo ezomeleleyo zolimo, eziya kuncedisa ekuphuculeni imisebenzi yolomo ze zomeleze nokubandakanyeka kolunmtu kweli candelo lezolimo.

Kukho ke iindlela ezithile emazilandelwe kwinkqubo yokufakwa kwesicelo:

  • Isicwangciso soshishino okanye ke icebo lokuphunyezwa kwephulo elo, ngokwendlela thile, kufuneka lingeniswe.
  • Ngamaqela, abantu noluntu kwiingingqi zokuhlala ezazisakuhleleleka kuphela olukufaka ezi zicelo.
  • Zizixhobo ezomeleleyo zolimo kuphela eziya kunikelwa inkxaso-mali, nto leyo ke ithetha ukuba umsebenzi, iimbono kwakunye noqeqesho lwabasebenzi aluyi kuxhaswa ngazimali.
  • Abantu abafumana imivuzo (nokuba sele bethabathe umhlala-phantsi) engaphezu kweyona isezantsi karhulumente, abantu abasebenzela urhulumente nooceba abanakho ukuzifaka izicelo zale nkxaso.

Icebo elo kufuneka libe liqulethe ulwazi ngoku kulandelayo:

  • ubume belo qela ngokwasemthethweni
  • ukuba loo mhlaba uyaqeshwa, kuya kufuneka isibhambathiso soko sesithuba sminyaka engekho ngaphantsi kwesihlanu
  • kufuneka nidize inkxaso-mali ebebikhe nayifumana kulo naliphi na isebe likarhulumente
  • uhlobo lweshishini elo
  • ukubandakanyeka kwamalungu - uxanduva lwawo kwanezakhono
  • ithemba eliza nelo phulo: ingeniso elindelekileyo, inani lezithuba zengqesho ezilindelekileyo, ukwanda kwengeniso
  • uqeqesho analo amalungu
  • imvelaphi neenzuzo kwakunye namathuba empumelelo eqela lakho kumaphulo angaphambili ndawonye nenkxaso-mali
  • ubungqina bemali enisenayo ukumelana neendleko zephulo elo
  • isixa senkxaso-mali enisifunayo ngokupheleleyo
  • amanye amahlakani abandakanyekayo kweli phulo.

Amaphulo ayakuqwalaselwa kabini ngonyaka, ngenyanga kaTshazimpunzi nangeyeThupha.

Nceda uqwalasele ke ukuba inkxaso-malui efakelwe isicelo kunyaka-mali othile siyakuphunyezwa kuphela kunyaka-mali olandelayo.

Le ke yinkxaso-mali, hayi imali-mboleko yaye kuzo zonke izicelo zenkxaso-mali zamaphulo ezithe zaphunyezwa akulindelekanga ukuba iphinde ibuyiswe le mali.
IMIYALELO:
 Ukuze ufumane ezinnye iinkcukacha, kwanendlela yokwenza icebo lokuphumeza iphulo, kufuneka kuqhagamshelwane nalo mntu ungezantsi apha.

  • kuMaspala Wesithili Esikunxweme oluseNtshona
  • isiXeko saseKapa
  • uMaspala Wesithili soMbindi Karoo

Qhagamshelana:
noJerry Aries
Kule Nombolo Yomnxeba: 021 808 5199
jerrya@elsenburg.com

  • kuMaspala Wesithili sase-Eden
  • uMaspala Wesithili saseBoland
  • uMaspala Wesithili sase-Overberg

Qhagamshelana:
no-Iaan Olckers
Inombolo Yomnxeba: 021 808 5103
iaano@elsenburg.com
IFUMANEKA KWI:
 La mabakala amaziko:
IBONELELWA LISEBE:
ICANDELO LIKARHULUMENTE:
 Farmer Support and Development (Department of Agriculture, Provincial Government of the Western Cape)
This content also available in English | Hierdie inhoud is ook beskibaar in Afrikaans
YAYAMENE
Umxholo okweli phepha wagqibela ukuhlaziywa nge- 13 uJuni 2006
Ingaba kukho nto ungayiqondiyo kwiintetho zaseburhulumenteni
| IMIBUZO? Sibuze nje wena: questions@capegateway.gov.za
South African National Government crest Provincial Government of the Western Cape logo I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe Western Cape: A Home For All logo