Ukufakwa kwezicelo zoncedo-mali kwiPhulo loKhuseleko loKutya

INKCAZELO:

IPhulo loKhusleko loKutya, i-FSP lineenjongo zokunika inkonzo yenkxaso kuphela kumaqela abantu abavela kwiindawo ezazifudula zisingelwe phantsi phambili phaya abanomnqweno wokuziqalela izitiya zabo. Eli phulo liya kuyinika inkxaso-mali yokuqalisa iprojekthi leyo yokusungula isitiya yabahlali okanye ke neprojekthi.

ISebe lezoLimo liya kunika amaqela angama-20 inkxaso-mali rhoqo ngonyaka ngamnye, kule minyaka mithathu izayo, ngeenjongo zokuxhasa iPhulo loKhuseleko Lokutya. Eli phulo lifuna ikakhulu ukunika amaqela amakhosikazi nawolutsha inkxaso. Imali efumanekayo yokuqhuba iprojekthi nganye de iye kufika nakuma-R50,000, yaye ke loo projekthi kufuneka inamathele nca kule miqathango nezi mfuneko zichazwe ngezantsi apha.

Olu ke luncedo-mali; asiyomali-mboleko, nto leyo ke ethetha ukuba imali abathe bayifumana abo bafaki bezicelo ze baphumelela kwezo zicelo akukho mfuneko yakuyibuyisa.

IMIYALELO:

Ikho ke imiqathango ebekwayo xa umntu efaka isicelo solu ncedo-mali:

Isicwangciso seprojekthi ekufuneka simiswe ngendlela ethile, kufuneka singeniswe kwakunyaka-mali owandulela lo kucelelwa wona.
Kuphela ngabantu abavela kwiindawo ezazifudula zisingelwe phantsi phambili phaya abafanele ukuba bangafaka izicelo zoncedo-mali, nakubeni ke kambe abaniki beenkonzo benakho ukuba bangancedisa ekuqulunqweni kwesicwangciso seprojekthi.
Izibonelelo zezolimo, kwakunye nezimvo nezinye ke iimfuno zokusungulwa kwesitiya ziza kuyinikwa inkxaso-mali.
Abantu abamkela ngaphezu(nokuba sebesidla umhlala-phantsi na) kobuncinane bomvuzo obubekwe ngurhulumente nabasebenzi bakwarhulumente kwakunye nooceba bona abakho kubantu abafanele ukulufumana olu ncedo-mali.

Isicwangciso seprojekthi kufuneka ukuba sibandakanye nezi nkcukacha zilandelayo:

ubume belo qela ngokwasemthethweni
ukuba ngaba umhlaba ngumhlaba oqeshiweyo, ikhontrakthi engekho ngaphantsi kwiminyaka emihlanu ngokwesithuba eza kusiqhuba
uncediso-mali olwalukhe lwafunyanwa kurhulumente ngaphambili
uchaphazeleko lwamalungu ngokwenxaxheba yawo, imisebenzi yawo nezikhundla
inkcazelo ngokomelela nokuzinza kweprojekthi leyo
uqeqesho oluthe lwafunyanwa ngamalungu
irekhodi yokuqhuba nokusebenza kwawo ngokuphathelele kwiiprojekthi zangaphambili nakwinkxaso-mali
imali efunekayo kule projekthi (xa iyonke)
amanye amahlakani abandakanyekayo kule projekthi ngenxaxheba yawo.

Izicelo zeeprojekthi ziya kuqwalaselwa kabini ngonyaka, ngoApreli nango-Augusti.

Makuncedwe kuqatshelwe ukuba isicelo senkxaso-mali esenziwe kunyaka-mali othile samkelelwa unyaka-mali olandela lowo senziwe ngawo.

Ukuze kufunyanwe inkcazelo eyenye, kungaqhagamshelwana naba bantu balandela ngezantsi apha.

Kwezi ndawo:

uMaspala weSithili soNxweme oluseNtshona
iSixeko seKapa

qhagamshelana no:
Jerry Aries
ngomnxeba kwa: 021 808 5199
jerrya@elsenburg.com

Kwezi ndawo:

uMaspala weSithili seBholani
uMaspala weSithili seOverberg

qhagamshelana no:
Iaan Olckers
ngomnxeba kwa: 021 808 5103
iaano@elsenburg.com

Kwezi ndawo:

uMaspala kweSithili se-Eden
uMaspala weSithi soMbindi-Karoo

qhagamshelana no:
Ban Saayman
ngomnxeba kwa: 021 808 5100

IBONELELWA LISEBE:

ICANDELO LIKARHULUMENTE:	Farmer Support and Development (Department of Agriculture, Provincial Government of the Western Cape)

ICANDELO LIKARHULUMENTE:

Farmer Support and Development (Department of Agriculture, Provincial Government of the Western Cape)

Umxholo okweli phepha wagqibela ukuhlaziywa nge- 21 uFebruwari 2005

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe