Ubuxhaka-xhaka Bobugcisa Kumakhosikazi Akushishino

INKCAZELO:

Inkqubo Yokunikezelwa Kobuxhaka-xhaka Bobugcisa Kumakhosikazi Akushishino ingumvuka wentsebenziswano phakathi kweSebe Leentengiso Noshishino, iSebe Lezimbiwa Namandla kwakunye neCSIR ngonyaka ka-1998 ngeenjongo zokunceda ekuphakanyisweni kwamakhosikazi akushishino. Ukugxininisa kwale nkqubo ekusetyenzisweni kwenzululwazi nobuxhaka-xhaka bobugcisa ukuze kuzuzwe ukukhula koshishino kumashishini akhokelwa ngamakhosikazi, ingakumbi amashishini amancinci, aphakathi kwanalawo makhulu.

Imvelaphi
Iintshukumo
Uqeqesho
Amabhaso eTWIB
Iinkcukacha Zoqhagamshelwano

IINTSHUKUMO

Iintshukumo ziya kuquka phakathi kwezinye:

ukuchongwa nokwaziwa kweemfuno zamakhosikazi akushishino kubuxhaka-xhaka bobugcisa kumacandelo oshishino asele echongiwe
ukumelana neemfuno esele zichongiwe ngokungenelela ngobuxhaka-xhaka bobugcisa ngendlela eyodwa kwiphulo elithile
ukubekwa kweliso ekusebenzisaneni kwamakhosikazi akushishino namaqumrhu anikezela ngeenkonzo zobuxhaka-xhaka bobugcisa ukuchongwa nokudalwa kwamacandelo kwanamathuba oshishino kusenzelwa abo bayingxenye yenkqubo yeTWIB
ukunakanwa nokubhiyozelwa kwempumelelo yamakhosikazi kumacandelo ahlukeneyo oshishino
ukuchongwa nokunikezelwa kwenkxaso kubafundi kwicandelo leNzululwazi nobuxhaka-xhaka bobugcisa
ukusekwa nokugcinwa kwesikhundla solwazi esiqulethe ulwazi oluya kuba lulutho kwiintshukumo zeTWIB
ukusekwa nokugcinwa kwewebsite yeTWIB
ukuvezwa kwamakhosikazi aseMzantsi Afrika nokwaziswa kwawo kwiintshukumo zenzululwazi nobuxhaka-xhaka bobugcisa behlabathi ukubonakaliswa kwanokuthatyathwa kwexesha kusandiswa ubuxhaka-xhaka bobugcisa
ukufukanywa kwamashishini asakhulayo.

UQEQESHO

I-TWIB ikwabonelela ngezifundo zoqeqesho kumacandelo athile. Okwangoku isezezi izifundo ekusanikezelwa ngazo:

Amathuba Kumakhosikazi Kwanabanini Bamashishini Ezimbiwa
Amakhosikazi Ashishina Ngokuloba Kwanokulungiselelwa Intengiso Kwentlanzi
Ukwaziswa Kweekhompyutha
Ubuxhaka-xhaka Bolwazi Nonxibelelwano Kushishino
Ushishino Ngobuxhaka-xhaka Beekhompyutha

Amabhaso eTWIB

I-TWIB ikwabamba umnyhadala wamabhaso minyaka le ukunakana nokuvuza amakhosikazi asebenzise ngempumelelo ubugcisa obububo ukuphucula intsebenzo yamashishini awo. Umnyhadala Wamabhaso eTWIB ka-2004 uya kubanjwa ngomhla wethoba apha kweyeThupha ku-2004.

Ophumelele ngo-2004 ibingu-Isabelle Rorke, umseki we-Anamazing Workshop - eyinkampani enobuchule bokwenza abalinganiswa abazizilwanyana neyilayo.

Ukuze ufumane iinkcukacha ngokhuphiswano luka-2005, tyelela iwebsite ye-Technology for Women in Business.

IMIYALELO:

IINKCUKACHA ZOQHAGAMSHELWANO

Ukuze ufumane iinkcukacha ezithe vetshe ngeTWIB, tyelela iwebsite okanye utsalele umnxeba:

uDaphney Mashamaite
Inombolo Yomnxeba: 012 841 4983
Inombolo Yefeksi: 012 841 3789
dmashamaite@csir.co.za

noThava Ettershank
Inombolo Yomnxeba: 012 841 4983
Inombolo Yefeksi: 012 841 4954
tettershank@csir.co.za

IBONELELWA LISEBE:

ICANDELO LIKARHULUMENTE:	Isebe Leentengiso Norhwebo (The Government of South Africa) Isebe Lezimbiwa Namandla (The Government of South Africa)

ICANDELO LIKARHULUMENTE:

Isebe Leentengiso Norhwebo (The Government of South Africa)
Isebe Lezimbiwa Namandla (The Government of South Africa)

Umxholo okweli phepha wagqibela ukuhlaziywa nge- 4 uAgasti 2005

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe