Inkxaso-mali Kwizifundo Zeelwimi

INKCAZELO:

iKomiti Yeelwimi yeNtshona Koloni yasekwa ngokwemigaqo yomthetho iWestern Cape Provincial Languages Act. Ngokwalo Mthetho ke, le komiti ingangena kwizifundo nophando olujoliswe ekuphuhliseni nasekuphakamiseni abantu baseNtshona Koloni ngokweelwimi, ibe ngolo hlobo ibuyisa isidima somntu ngokuthi kuhlonitshwe ezi lwimi zintathu zisetyenziswa ngoksesikweni kweli phondo, lwimi ezo zisisiXhosa, isiBhulu nesiNgesi ze iphakamise ukwaziwa nokusetyenziswa kweelwimi ezininzi.

Le Komiti Yeelwimi ikwajongene nokusetyenziswa kwezi lwimi zintathu zisetyenziswa ngokusesikweni kweli phondo ze ixhase nophuhliso lweelwimi zalapha eNtshona Koloni ebezisoloko zingananzwanga. Inkxaso-mali yokufunda le ke yenzelwe ukudalela eli phondi izifundiswa neengcali zeelwimi ezikumgangatho ophakamileyo.

iKomiti Yeelwimi Yephondo leNtshona Koloni imema abemi beNtshona Koloni abanezifundo ezisemgangathweni ukuba bafake izicelo zenkxaso-mali yokungena kwimfundo enomsila kwizifundo zeelwimi, zifundo ezo ziya kube zijolise kulo naluphi na olunye lweelwimi ezintathu ezisetyenziswa ngokusesikweni kweli phondo, ulwimi Lwabantu Abangevayo lwalapha eMzantsi Afrika, okanye ke naluphi na ulwimi lweli phondo olungananzwanga.

Inkxaso-mali zokufunda ezintathu ezixabisa I-R10 000 ziya kunikezelwa. Abafundi basemini nabasemva kwemini bangazifaka izicelo. Kubafundi basemva kwemini, esi sixa siya kwahlulwa kubini ze sihlawulwe kabini kwisithuba seminyaka emibini.

Usuku lokuvalwa kwezicelo zale nkxaso-mali ngumhla wokuqala kwinyanga yeNkanga apha ku-2005.

Abafaki-zicelo ke kufuneka:

Babe bayamkeleka kwezo nkqubo zemfundo bazinqwenelayo kuloo maziko bafuna ukungena kuwo kwidyunivesithi okanye iteknikhoni yalapha eMzantsi Afrika.
Babe banqwenela ukungena kwizifundo zeelwimi, ukufundisa iilwimi okanye bangene ke kweminye yemisebenzi yeengcali zeelwimi.
Abe umntu uyingcali kulo lube lunye ulwimi lweli phondo ubuncinci.
Abe ngumhlali walapha eNtshona Koloni.
Abe uzinikele ekuphuhliseni ukusetyenziswa nokwaziwa kweeliwimi apha eNtshona Koloni.

IMIYALELO:

INDLELA YOKUFAKA ISICELO:

Gcwalisa iiphetshana lesicelo elinikezelweyo ze ulingenise, ndawonye nazo zonke iimpepha ezithe zakhankanywa kweli phetshana, ngomhla okanye ngaphambi komhla wokuvalwa (ongumhla wokuqala kwinyanga yeNkanga ku-2005). Bhala ke incwadana yesicelo apho uchaza uikuba eli xesha uza kube ufunda ngalo lingena ndawoni na kwizicwangciso zakho zempangelo, ze unikezele nombono wakho ngobume neenkonzo zeelwimi apha eNtshona Koloni.

UKUFAKA ISICELO SAKHO

Nceda uthumele izicelo zakho kwiphetshana lokufaka izicelo elinikezelweyo:
kuSihlalo, weKomiti Yeelwimi yeNtshona Koloni
Kumgangatho Wesithathu, Kwisakhiwo iProtea Assurance, eGreen Market Square, eKapa, 8000.

Aamaphepha okufaka izicelo ayafumaneka kule dilesi ikhankanywe ngentla apha okanye angatsalwa apha.

IINKCUKACHA ZOQHAGAMSHLEWANO

Ukuze ufumane ezinye iinkcukacha, nceda uqhagamshelane:
noMnu. Louis Nel
Kule nombolo yomnxeba: 021 483 9681
lnel@pgwc.gov.za

IBONELELWA LISEBE:

ICANDELO LIKARHULUMENTE:	Inkcubeko Nobutyebi Bendalo (iSebe Lemicimbi Yenkcubeko Nemidlalo, uRhulumente Wephondo leNtshona Kapa)

ICANDELO LIKARHULUMENTE:

Inkcubeko Nobutyebi Bendalo (iSebe Lemicimbi Yenkcubeko Nemidlalo, uRhulumente Wephondo leNtshona Kapa)

Umxholo okweli phepha wagqibela ukuhlaziywa nge- 25 uMeyi 2006

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe