Iinkxaso-mali Kwezemfundo (Zezootitshala)

INKCAZELO:

iSebe Lemfundo leNtshona Kapa linikezela ngeenkxaso-mali zokufunda kootitshala abanqwenela ukuqhubekeka nemfundo kwanokuphucula kuleyo sele benauo ngelixa beqhubekeka befundisa.

Iimfuno zale Nkxaso-mali Yokufunda

Ezi nkxaso-mali ke kootitshala abasele benezifundo ezingu-REQV 11, 12, 13 okanye u-14 abaqeshwe isigxina leli Sebe Lemfundo leNtshona Kapa. Inkxaso-mali le ihlawula izifundo neencwadi kulo naliphi na elinye lala macandelo ezifundo alandelayo athabatha iminyaka emibini:

Idiploma Yesziwe Yokufundisa (evuleleke kubafaki-zicelo abanenqanaba lemfundo u- REQV 11, 12 no-13)
Isatifiketi Esiphambili Kwimfundo Yobugcisa Bokusebenzisa Iikhompyutha, Ubuchule Nenkcubeko, Inzululwazi Yehlabathi, okanye Inzululwazi Yobomi (ezivuleleke kubafaki-zicelo abasele benenqanaba lemfundo u-REQV 13 okanye u-14)

Indawo Onokufunda Kuyo

Izifundo zediploma ezi ke zona zenziwa kwiDyunivesithi yeNtshona Kapa okanye ke eCape Peninsula University of Technology. Izatifikethi zona zenziwa eCape Peninsula University of Technology (Izifundo Zobugcisa Bokusebenzisa Iikhompyutha, Ubuchule Nenkcubeko) okanye neDyunivesithi yaseStellenbosch (Inzululwazi Yehlabathi neNzululwazi Yobomi).

Imiqathango Yokunikezelwa kwale Nkxaso-mali

Iinkxaso-mali zokufunda ezi zinikezelwa phantsi komqathango wokuba umntu lowo uza kusbenzela eli sebe, ngamanye amazwi ke, kuya kufuneka uhlale usebenza apha kwiNtshona Kapa njengomfundisi-ntsapho isithuba seminyaka oxhaswe ngayo ngezimali leli sebe.

IMIYALELO:

Indlela Yokufaka Isicelo

iSebe Lemfundo eli liya kuthumela incwadi yalo echaza yonke into ngale nkxaso-mali kwizikolo apho liya kube ligaya izicelo kootitshala abanokuba nomdla ngexesha elifanelekileyo.

Iinkcukacha Ezithe Vetshe

Ukuze ufumane ezinye iinkcukacha, tyelela iwebsite yeli Sebe apha http://hrd.wcape.school.za (cofa "Implementation and Management", ze uye "Kuqeqesho Emsebenzini, NPDE, ACE nakwiinkxaso-mali zokufunda Kubasebenzi Baseburhulumenteni") okanye ke uqhagamshelane noGavin de Bruyn jkule nombolo yomnxeba 021 467 2575, nantsi ke ne-e-mail gdebruyn@pgwc.gov.za.

IBONELELWA LISEBE:

ICANDELO LIKARHULUMENTE:	iSebe Lemfundo leNtshona Kapa (uRhulumente Wephondo leNtshona Kapa)

ICANDELO LIKARHULUMENTE:

iSebe Lemfundo leNtshona Kapa (uRhulumente Wephondo leNtshona Kapa)

Umxholo okweli phepha wagqibela ukuhlaziywa nge- 22 uMeyi 2006

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe