| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
INKCAZELO: |
Abaqeshwa abangamakhosikazi banelungelo lekhefu lokuya kubeleka leenyanga ezine. Eli khefu lingaqala kwiiveki ezine phambi kosuku umntwana alindeleke ngalo futhi umqeshwa akanakunyanzeliswa ukuba abuyele emsebenzini de agqibe iiveki ezintandathu emva kokufumana umntwana lowo. Umqeshwa othi afumane sele engasaphili angahlala kwikhefu lokubeleka iiveki de zibe ntandathu emva koko kubeleka okanye ahlale ixesha elidana ukuba omnye wabasebenzi kwezempilo uveza ukuba oko kunyanzelekile ngenxa yempilo nokhuseleko lukamama lowo. Ikhefu lokuya kubeleka lingahlawulelwa okanye lingahlawulelwa. Ukuba umqeshwa lowo ebelifaka igalelo kwiNgxowa-mali Yokhuseleko Kwintswela-ngqesho, uya kuba nakho ukufaka ibango lezibonelelo ngexesha ekwikhefu lokuya kubeleka. Umqashi angaqesha omnye umntu endaweni yalo mzalikazi okwexeshana ukuba enze imisebeinzi yakhe ngeli xesha engekabuyi kwikhefu lakhe. Ootata bangafaka ibango leentsuku ezintathu lokujongana nosapho ekuzalweni kweentsana zabo. Abazali abafumene umntwana kolunye usapho ukuba abe ngumntwana wabo omtsha bobabini bangacela iintsuku ezintathu zekhefu lokujongana nosapho emva kokwamkelwa komntwana lowo. |
IMIYALELO: |
Ukuba sele usenza amalungiselelo kamama okanye katata okuya kwikhefu lokubeleka okanye lokujongana nosapho, kufuneka wazise umqashi wakho ngosuku umntwana wakho alindeleke ngalo. Abaqeshwa abakwikhefu lokuya kubeleka nabo kufuneka bazise abaqashi babo ngembalelwano ukuba kulindeleke ukuba babuyele nini na emisebenzini. Ooyise nabazali babantwana abacelwe kwezinye iintsapho ukuba babe ngamalungu amatsha eentsapho zabo abafuna ukuthabatha ikhefu lokojongana neentsapho zabo banokulindeleka ukuba banikezele ngobungqina besidingo selo khefu. |
|
ICANDELO LIKARHULUMENTE:
|
Isebe Lezabasebenzi (The Government of South Africa) |
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |