I-Akhademi yaseKapa yeMathematika, iSayensi neThekhinoloji eseConstantia, eKapa, isenezithuba ezimbalwa zabafundi abaza kungena kumaBakala 10 no-11 ngo-2005.

Le akhademi, esisikolo esitsha esilungiselela ngokukodwa abafundi abaneetalente eziqaqambileyo kwizifundo zemathematika, isayensi nethekhinoloji, savulwa liSebe leMfundo leNtshona Koloni ngo-2004 yaye iyinxalenye yesicwangciso esibanzi sokwandisa inani labafundi abenza imatriki kwezi zifundo kuhlelo oluphezulu (higher grade), ngakumbi abo bavela kuluntu oluhlelelekileyo.

Le akhademi inezithuba zabafundi abangama-210 ngo-2005, kubandakanywa nendawo yokuhlala ehostele yabafundi abangama-80. Esi sikolo samkela abafundi abangamakhwenkwe nabangamantombazana yaye saqala ngokwamkela abafundi beBakala 10 ngo-2004. AmaBakala 11 no-12 aya kulandela ngo-2005 no-2006 ngokulandelelanayo.

ISebe leMfundo leNtshona Koloni libonelela abafundi abahlwempuzekileyo ngeebhasari, ngendawo yokufundela enomtsalane nekhuselekileyo, ngothutho ukusuka kwezona zitishi zikaloliwe zikufuphi kubafundi abahlala emakhaya, ngootitshala abanamava nabafunde de bayityekeza imfundo, ngezibonelelo zodidi oluphezulu kunye nezibonelelo ezigqibeleleyo zezemidlalo nezokuziphumza ingqondo.

ISebe leMfundo leNtshona Koloni lidlulisela esi simemo sisodwa kubaqeshwa balo bakaRhulumente wePhondo leNtshona Koloni ukuba bafake izicelo zobhaliso kwezi zithuba zikhoyo egameni labantwana babo, ukuba abantwana abo baza kungenela iBakala 10 okanye 11 ngo-2005, ungadlulanga umhla wama-26 Novemba 2004.

Ukuba ufuna enye ingcaciso neefom zobhaliso, yiya kwiziko lewebhu leSebe leMfundo leNtshona Koloni (WCED) apha http://wced.wcape.gov.za (khangela u-"Cape Academy" kwisalathiso A - Z), okanye fonela aba balandelayo:

Nks A. Pearce: (021) 467-2125
Mnu Burger (Cape Academy): (021) 794 5104 / (021) 794 0974