Ixesha elisondele kumhla wamashumi amabini anesihlanu kwinyanga yoMnga nyaka ngamnye sele laba lixesha lokulungileyo, uxolo, imibhiyozo, usapho nobumbano kuwo onke amaKrestu kwanabo bangengawo amaKrestu. Ngeendlela ezininzi eli xesha sele lijike lalixesha lomntu wonke nelinzulu ekuphilisaneni koluntu kuthi sonke sibonelane sonke ngokuthi sabelane ngezipho kunye neziganeko zokubonelelana. Kubantwana eli lixesha elinobumnandi obungummangaliso.

Iivenkile, izitalato, amabandla, iindawo esihlangana nesisebenza kuzo kwakunye namakhaya ethu azele ziziyunguma, imihombiso nako okumnandi okulindelekileyo. Kodwa ke zonke ezi nzingo zinokuphumela ngaphandle kuphela zigqithe ezo zingabalulekanga nezo zoshishino xa ziba yinkathalo nokwabelana kwethu ngendlela esizinikela ngayo ekwakheni ihlabathi elingcono.

Ukubhiyozelwa kokuzalwa kukaYesu ngamaKrestu kwabo bahlelelekileyo nabangakhathalelekanga kwisitali saseBetelehem kwisithuba seminyaka eziiinkulungwane ezimbini ezadlulayo sisehlo esikhulu ngokungathandabuzekiyo nesingazange sikhokelele nje kwinkolo eyavakalisa iGama lakhe, koko nakumnyhadala wenkolo oyiKrismesi.

Sidlulisa imibuliso ezele ukufudumala kubo bonke abemi beli lizwe lethu abangamaKrestu sibanqwenelela neKrismesi ezele iintsikelelo nolonwabo njengoko nibhiyozela hayi kuphela ukuzalwa, koko nempilo yasemhlabeni yomntwana uKrestu.

Langa eli xesha nesizathu salo zingasinika amandla sonke ukuze sibumbane ngenkxaso kumbono wethu wokwenza iNtshona Koloni Ikhaya Lethu Sonke ngokuthi sikhumbule abahlelelekileyo, abo bangenabantu nabo badingayo.

Masiqinisekise ukuba ngokwenene le iya kuba yiKrismesi emyoli kuthi sonke!Isuka kum - uEbrahim Rasool
INkulumbuso yeNtshona Koloni