Njengoko kuya kube kugxininiswe kumxholo woSuku lwezeNdalo lweHlabathi, iWED, othi, "idikheyidi yozinzo. INdalo yeThu! IKamva lethu, kanti wona umxholo ekuya kugxilwa kuwo lihlabathi liphela uya kube usithi, "ZiyiMfuneko enkulu! IiLwandle namaLwandlekazi, ziFile okanye ziPhila, kumboniso owaye waqhutyelwa kwiZiko loLuntu iBridgton, e-Oudtshoorn.

Abafundi nabahlohli, kwakunye noluntu ngokubanzi abakummandla wase-Oudtshoorn baye babizwa ukuba babekho kulo mboniso. Izikolo zazinikwe ithuba lokuba zithathe inkxaxheba kukhuphiswano lokubonisa izinto ezihambelana nomxholo lo, kubandakanywa ungcoliseko nenkunkuma. Kwakukwakho namabhaso ayefunyanwa.

Eli yayilithuba elibaluleke kakhulu lokubona izinto ekungabalwa ezimbalwa kuzo, ezaziyimiboniso efana nechityana elalinezilwanyana ezahluka-hlukileyo zolwandle, izinto ezenziwe ngemveliso ephinde yenziwa ntsha, umboniso woopopayi, amaPolisa oMzantsi Afrika ayegcine ukhuseleko, kufundiswa nange-HIV/Aids, kukho necandelo lezemililo, kusenziwa nomdlalo weqonga nomxhentso/daniso. Ukoleka koku, iindwendwe ezithile zafumana ithuba lokuya ezifameni nasemiqolombeni ekwakule ngingqi, into leyo eyongezelela ivuso kuzo.

Ukufumana ezinye iinkcukacha okanye xa kukho umntu ofuna ukubonisa ngezinto zakhe ezihambelana nezinto zendalo, umzekelo, iimveliso, ubugcisa, izinto zokubonisa kwindawo ohlala kuyo, nceda tsalela uRussell Mehl kule nombolo (021) 483 2752 okanye ku- 082 448 4763, kungenjalo dibana naye ngale imeyili, rmehl@pgwc.gov.za okanye ungene kuvimba-nckukacha wethu kule dilesi; www.capegateway.gov.za.