ISetyana loLawulo lweNtlekele kunye neeNkonzo zoCimo mlilo lijolise ekukhuthazeni uphuhliso, umiliselo kunye nolondolozo lolawulo lwentlekele kunye neenkonzo zocimo mlilo eNtshona Koloni.

Imisebenzi:

• Ukuthoboza ubuzaza beentlekele.
• Ukuzilungiselela kunye nokuphendula kwiintlekele.
• Unxityelelaniso lokuphuthuma kwintlekele.
• Unxityelelaniso lweenkonzo zocimo mlilo.

Udanjiso

Icandelo lodanjiso lujongise ekunciphiseni ubuzaza beentlekele ngoku:

• Kwenziwe uhlalutyo lomngcipheko nokuba sengozini;
• Ukuqulunqwa nokumiliselwa kwezicwangciso zokudambisa (zokunciphisa) nokuthintela;
• Uphuhliso lweenkqubo ezisemgangathweni zokwazisa;
• Uphuhliso lweenkqubo zoxhotyiso lwangaphakathi.
• Uphuhliso nonxityelelaniso lwezakhiwo zoluntu.

Ukuzilungiselela

Icandelo lokuzilungiselela linoxanduva loku:

• Phuhlisa nokumilisela isicwangciso sephondo sentlekele.
• Phuhlisa nokumilisela isicwangciso sephondo sokulinda okungekehli.
• Ukuphonononga izicwangciso zentlekele.
• Ukuqhuba imithambo yolawulo lwentlekele.
• Ukulawula iziko lolawulo lwentlekele lephondo.
• Ukunikezela ngenkonzo yobunobhala kwizakhelo ezisemthethweni.

Uphuthunyo kwintlekele

Icandelo loPhuthunyo kwiNtlekele lumelene nokuhlangulwa kwabantu nezakhiwo ezichatshazelwe yintlekele. Linxibelelanisa uhlangulo, lulawula ingxowa mali yohlangulo, kunye nokunxityelelaniswa kolwakhiwo ngokutsha emva kwentlekele nolwakhiwo ngokutsha.

IiNkonzo zoCimo mlilo

Icandelo leeNkonzo zoCimo mlilo:

• Uqwalaselo kumgangatho weenkonzo zocimo mlilo.
• Ulawulo lwemali yezibonelelo zenkxaso ukuya kwiinkonzo zocimo mlilo.
• Ukunxityelelaniswa kwezicwangciso zocimo mlilo ezingxamisekileyo.
• Ulawulo lophando kwicandelo labantu abagunyazisiweyo.
• Ukunikezela ngenkonzo yobunobhala kwizakhelo ezisemthethweni.