Laai die jongste uitgawe van Biblioteekdienste se tydskrif af.
	KRY JOU PLAASLIKE BIBLIOTEEK IN DIE HANDE >
	HOOGTEPUNT
	Die video Boekherstelwerk is nou beskikbaar! Kontak: Dirk Binneman by Edumedia Tel: 021 689 9536 Epos: Dbinnema@pgwc.gov.za Prys: video @ R36.50 and DVD @ R41.00 Bly ingeskakel op hierdie webverf vir aanlyn inligting.

Saam verskaf die Provinsiale Biblioteekdiens van die Wes-Kaap en plaaslike owerhede dienste aan 1,229,715 mense wat lede van biblioteke in die provinsie is. Aan die einde van 2004 was daar 309 biblioteke geaffilieer by die Provinsiale Biblioteekdiens. Bykans 26% van die hele bevolking van die Wes-Kaap is biblioteeklede en biblioteekdienste in die provinsie spog met 'n infrastruktuur wat goed vergelyk met die beste ter wêreld.

'n Uitgebreide reeks biblioteekmateriaal word geleen aan openbare biblioteke deur die Biblioteekdiens. Boeke, tydskrifte, koerante, CDs en videos, professionele publikasies en promosiemateriaal word verskaf. Biblioteekdienstepersoneel help met die keuse, aanskaf, voorbereiding, onderhoud en verspreiding van materiaal en toerusting wat aan plaaslike owerhede geleen word.

Provinsiale personeel verskaf ook:

• Professionele leiding en raad aan biblioteekpersoneel en -owerhede.
• 'n Verwysings- en inligtingsdiens.
• Navorsing met betrekking tot die verskaffing en gebruik van biblioteekdienste.
• Bevordering van die gebruik van biblioteke en biblioteekmateriaal.

Personeel van die Provinsiale Biblioteekdiens is ook betrokke by algemene toesig oor die volhou van die doelwitte van die openbare biblioteek.

Openbare biblioteke is agente van verandering en opheffing in gemeenskappe en bevorder voortdurend onderwys, kultuur, ontspanning en gratis toegang tot inligting vir almal.